O La’u Sini o le Kuka

Ata

My Cooking Goal

Sa ou manao ia ou lelei atili i le kuka. Ina ua maua la la’u Tusitaiala a Tamaiti, sa ou faatuina se sini e kuka faatasi ma lo’u tamā. Soo se taimi lava e kuka ai lo’u tamā, sa ou maitauina o ia ma iloa ai le manaia tele. Sa ou manao ia aoao e kuka e pei o ia.

Sa ma o ma lo’u tamā i le faleoloa e faatau mai mea e manaomia mo kuka. Ona ia aoaoina lea o a’u i sitepu taitasi e liliu ai le falaomata i se keke matagofie. Mulimuli ane sa ia aoao mai foi a’u i le auala e fai ai isi mea.

O le galue ai i lenei sini ua fesoasoani ou te latalata atili ai i lo’u tamā. Ou te matua fiafia lava e faaalu le taimi ma ia! Sa avea o ia ma se faiaoga maoae. O se tasi o mea na ia aoao ai a’u o le, pe a ma kuka, e le mafai ona faalavelavea a’u i la’u telefoni feaveai!

I le taimi la lenei a ou mafaufau i le kuka, o le lagona e faateleina mai totonu o a’u o le olioli, aua e matuai o’u fiafia tele e kuka! O lenei sini e fesoasoani ia te au e le gata i le faia o se mea ou te matua fiafia i ai ae e tuputupu ae ai foi i le faaleagaga. Ou te fiafia ona ou te filifilia lava e a’u ia a’u sini. E finagalo le Tamā Faalelagi e fesoasoani mai ia te au i lenei sini aua e finagalo o Ia ia ou faatupulaia a’u taleni. E finagalo o Ia e fesoasoani mai ia te a’u aua Na te silafia ou te maua ai le fiafia. ●