O Le Toefuataiga o le Perisitua Arona
I Luga o Oulua O’u Uso a Auauna e, saunia e Linda Curley Christensen ma Michael Malm
O le aso 15 o Me, 1829, na tuu atu ai e Ioane le Papatiso le Perisitua Arona ia Iosefa Samita ma Oliva Kaotui. O nei fuaitau o o latou manatuaga o lena aso taua o loo faaalia mai ai le ofoofogia o le mea na tupu.
“O le avefeau na asiasi mai ia i ma’ua i lea taimi ma faaee mai lenei Perisitua i luga o i ma’ua, na fai mai o lona igoa o Ioane, o lea lava ua ta’ua o Ioane le Papatiso i le Feagaiga Fou, ma ua galue o ia i lalo o le taitaiga a Peteru, Iakopo ma Ioane, o e na umia ki o le Perisitua Mekisateko.”
Iosefa Samita, i le Iosefa Samita—Talafaasolopito 1:72; faaopoopo le faamamafa
“E pei e mai le totonugalemu o le faavavau, ona fetalai mai e le siufofoga o le Togiola le filemu ia i ma’ua, ao tatalaina le veli ma afio mai i lalo le agelu a le Atua sa ofu i le mamalu, ma tuuina mai le savali sa tulimatai i ai ma le naunau tele, ma ki o le Talalelei o le salamo. E o le olioli e! e o le ofoofogia e! e o le maofa e!”
Oliva Kaotui, i le Iosefa Samita—Talafaasolopito 1:71, faamatalaga; faaopoopo le faamamafa
O le vitio o le Tusi Paia o loo faaali mai ai Ioane le Papatiso o loo papatisoina Iesu Keriso.
Sa i ai foi Oliva Kaotui faatasi ma Iosefa Samita i le 1836 ina ua toefuatai mai ki o le perisitua i le Malumalu o Katelani.
O le vaitafe o Susikuana i Haramoni, Penisilevania, e latalata i le mea sa papatisoina ai Iosefa Samita ma Oliva Kaotui i le aso 15 o Me, 1829.