E Mafai Faapefea Ona Ou Faatino Vave Loa ma le Faatuatua?

O faatinoga faamaoni ma le vave a Apiso i le Tusi a Mamona o loo faaalia ai le auala e mafai ona fesoasoani ai le faatuatua e aumai ai isi ia Keriso. Mafaufau pe faapefea ona atoatoa lona “faaliliuina i le Alii” (Alema 19:16).

Sa Ia Iloaina

Sa matua malosi le faatuatua o Apiso ina ua ia vaai atu ua pauu uma tagata o aiga o Lamonae i le eleele, sa ia “iloa o le mana lea o le Atua” (Alema 19:17). E mafai faapefea ona e fausia lou faatuatua ia iloa le mana o le Atua, e pei ona sa faia e Apiso?

Sa Ia Tamoe Atu

Na iloa e Apiso le mana o le Atua na ia “momoe atu ai mai lea fale i lea fale” ma ta’u atu i tagata e o mai e vaai i le vavega (Alema 19:17). Sa faamamanaina o ia e lona faatuatua ia faatino vave loa. Pe o i ai ni vaega o le talalelei o loo e savali ai nai lo le momo’e e fai le finagalo o le Atua e ala i le faatuatua?

Sa Ia Tago i Isi i le Lima

O Apiso na “tago i le lima o le masiofo” faatasi ma le faatuatua o le a tu ai i luga le masiofo (Alema 19:29). Sa ia faia le mea sa foliga mai e le mafai ona faia ona o lona faatuatua i le Atua. E mafai faapefea ona e faamalosia lou faatuatua i le Atua ma ausia ai mea faigata i lou olaga?

Ata na tusia e Andrew Bosley; ata pito i tua mai le Getty Images