Konafesi Aoao ia Aperila 2020

O numera uma o itulau e maua mai i le Liahona o Me 2020, o loo maua i le initoneti i le liahona. ChurchofJesusChrist.org.

Ata

Salt Lake Temple

Ata pue o le Malumalu o Sate Leki na saunia e Alema ma Nicole Samita; taumatau: ata na pueina e Leslie Nilsson

E Faapefea ona E “Faalogo ia te Ia”?

E faapefea ona e aoteleina se konafesi i le lalolagi atoa e silia ma le 25 lauga? I lana saunoaga faaiu, na taaofa’i ai e Peresitene Russell M. Nelson i “upu paia mamana e lua: ‘ Faalogo ia te Ia.’ … Matou te tatalo o le a amata ona outou toetuuto atu moni e faalogo, lagona, ma usitai i afioga a le Faaola.” (Ia Agai i Luma i le Faatuatua,” 114).

Matamata pe faitau lana saunoaga faapea ma saunoaga a nei failauga a o e taumafai e le aunoa e valaaulia ma iloa faaaliga.

Na saunoa mai Elder Neil L. Andersen: “E mafai ona tatou ‘faalogo ia te Ia’ ona o le faamanuiaga o le Togiola le mafaatusalia a le Faaola. … O le faatuatua, usiusitai, lotomaualalo, ma le faamoemoega moni e tatala ai pupuni o le lagi“ (“Manatuaga Faaleagaga e Manatua Pea, “21).
Sa toe faamanatu mai ia i tatou e Elder Quentin L. Cook e faapea, “o faaaliga faaletagata lava ia e avanoa mo i latou uma o e saili atu ma le lotomaualalo i le taitaiga mai le Alii,” ma sa ia faasoa mai ni mataupu faavae se tolu e fesoasoani lelei ai ia i tatou e saunia mo faaaliga (tagai “O Faamanuiaga o Faaaliga Faifaipea i Perofeta ma Faaaliga Patino e Taitaiina ai o Tatou Olaga,” 98-99).
Na saunoa Elder Ricardo P. Gimenez, “E ui lava e toatele tagata e talitonu moni lava ia Iesu Keriso, ae o le fesili taua o le pe o tatou talitonu ia te Ia ma pe tatou te talitonu i mea Na te aoaoina ai i tatou ma talosagaina i tatou e fai” (“Mauaina o le Sulufaiga mai Afa o le Olaga,” 102).

Ou Te Fia Avea Ma Se Vaega o Lenei Mea!

Saunia e Lauren Soqui Bohman

O le nofo ai i Omani, sa ma nanati atu ai ma lou toalua e faamomoe la ma fanau ina ia mafai ona ma matamata i le sauniga o le konafesi i le taeao i le isi itu o le lalolagi. Sa matou faitauina ia aso seia oo i le konafesi, mo lena taiala ma le filemu na matou iloa o le a oo mai mai le Tama Faalelagi e ala i Ana perofeta ma soo.

Sa tau mai e Sister Joy D. Jones ia i tatou e fiafia le Alii i le taumafaiga, o le a la le tele o taumafaiga ua ou naunau e fai e mulimuli ai i Lana faataitaiga?

Sa fesili Peresitene Henry B. Eyring po o le a le matafaioi o le a tatou faia i lenei vaega mulimuli i le talafaasolopito.

Sa talosaga mai Sister Bonnie H. Cordon ma Elder Jeffrey R. Holland ina ia tatou mafaufau pe faapefea ona tatou faasusulu atu ma le manatu i ai o tatou malamalama.

Sa ou lagonaina le tele o lou manao e avea ma se vaega o le agalelei lea e vave ona agai ai i luma i le Alii. O le konafesi na musuia ai au e faafou au taumafaiga e fesoasoani i lau fanau i o latou atinaega patino, ia saili atu ia avea ma se uo e sili atu ona magafagafa ma faaleagaga, ina ia faatinoina galuega o talafaasolopito o aiga e pei o le taina o faamaumauga, ma ia vaavaai mo ni avanoa fou e auauna atu ai i le Atua e ala i le auauna atu i Ana fanau.

Manatunatu i Lenei Mea …

O Meaalofa a Tamaitai ma Alii

Atonu o loo siomia i matou i eseesega faaleaganuu ma savali “o au lava”, ae na aoao mai e tuafafine Jean B. Bingham e tatau i alii ma tamaitai ona saunia e mulimuli i le mamanu paia o le galulue faatasi i le lotogatasi:

“Ua i ai i tamaitai ni meaalofa faapitoa ma paia ma ua tuuina atu i ai ni tiutetauave tulaga ese, peitai o na mea e le sili atu—pe itiiti ifo—le taua nai lo meaalofa ma tiutetauave a alii. Ua mamanuina ma manaomia tagata uma e faataunuu ai le fuafuaga paia a le Tama Faalelagi o le tuu atu i tagata taitoatasi o Lana fanau o le avanoa sili e ausia ai lona gafatia paia.” (tagai “Aufaatasi i le Ausiaina o le Galuega a le Atua.” 63).

Ua tatou saunia e faatauaina e le tasi le isi o se paaga taua i le galuega o le faaolataga?