Autalavou Matutua
E Silafia e le Faaola Ou Tiga
Ata na Pueina e Ashlee Larsen
I le taimi o la tatou malaga fai i lenei lalolagi, o le toatele o i tatou i nisi taimi o le a ila mai le atuatuvale, oono mai popolega, o ao pogisa o le faanoanoa, pe (faapei foi o au) o le puaoa faagase o atuatuvalega. O nei faalogoga e masani ona tupu mo le toatele o i tatou i luga o le ala agai atu i atumauga lanulauvao ma le susulu o le la, ma e mafai lava ona faigofie ai ona tatou lagonaina le leai o se faamoemoe.
O tauivinga o le soifua maloloina faalemafaufau e mafai ona oo mai pe a e le o mafaufau faapea e oo mai. A e faamisiona ma taulai tele atu i isi, e faapea ona galo ai oe ia te oe lava. A i ai sau pepe ma e lagonaina e tatau ona avea oe ma tagata e sili ona fiafia i le lalolagi, ae e leai. A maliu se tasi e te alofa i ai ma ua faigata ia te oe ona mafaufau i le olaga e aunoa ma i latou. Pe a oo foi ina foliga mai o loo gasolo lelei mea uma, ae ua ia te oe se faalogoga lofituina e te le o fiafia.
O taimi na tatou te manaomia ai ona faatumu o tatou olaga i le filemu o le alofa e le muta o Iesu Keriso. E i ai pea lo tatou Faaola iina, e oo lava i taimi tatou te lagona ai le tuulafoaiina pe ua se foi. Na te lagonaina ou tiga ma silafia le ala e fesoasoani mai ai.
Aua le fefe e aapa atu. O se vaega o le fuafuaga a le Tama Faalelagi o le alofa ma tausia e le tasi le isi (tagai Mosaea 18:21). Ma o le mea lena ua faatatau i ai le vaega o lenei masina—o le faatoilaloina o luitau o le soifua maloloina faalemafaufau e ala i le aapa atu i isi, aemaise lava o le Faaola.
E alofaina outou.
Mai se tasi e tauivi pea ma faaauau pea.
Emilia Brändh