E Faapefea Pe Afai e Le Faapea Foliga o Lo’u Aiga?
Ata na tusia e Michael Koelsch
E maeu lo tatou lotofaafetai mo perofeta soifua ma aposetolo, o e na tuuina mai le “O Le Aiga: O Se Folafolaga i le Lalolagi” i le 25 tausaga talu ai. O loo aoao mai ai i tatou i le aoaoga faavae e faavavau o le aiga ma lisi mai ai mataupu faavae e ola ai faaipoipoga ma aiga faamanuiaina.
Ae ui o lea, o ni isi tagata atonu e taumanatunatu pe faapefea ona faatatau le folafolaga ia i latou ae “e le fetaui lelei o latou lava aafiaga i le taimi nei i totonu o le folafolaga i le aiga.”1
Sa saunoa Elder Richard G. Scott (1928--2015) o le Korama a Aposetolo e Toasefululua e uiga i lenei atugaluga i le konafesi aoao, ma faasoa mai ai le faamalosiauga lenei: “E tusa lava pe le o faataunuuina ia vaega taua o [le ata o le fiafia] i lou olaga i le taimi nei, ae o le a avea lava mou i le taimi talafeagai a le Alii. Ou te folafola atu foi ia te oe e mafai ona e maua le tuputupu ae uiga ese ma le fiafia i le taimi nei i tulaga o e i ai nei. I le avea ai o se afafine po o se atalii o le Atua, ia e ola po o le a lava le vaega o le ata e te mafaia i le mea aupito sili ona e mafaia.”2