E mafai faapefea ona ou lagolagoina le perofeta?

31 Aokuso–6 Setema

O Samuelu le sa Lamana o se perofeta sa tala’i atu ia sa Nifae. E toatele sa teena o ia, ae e toaitiiti sa faalogo ma talitonu i ana aoaoga musuia. I le taimi o le konafesi aoao ma i isi taimi, tatou te maua ai le avanoa e faalogologo ai ma lagolagoina Peresitene Russell M. Nelson, le perofeta o o tatou taimi.

A o e faitau e uiga ia Samuelu le sa Lamana, mafaufau i ni auala e mafai ona e lagolagoina ai le perofeta i ona po nei i upu ma galuega.

Faatonuga mo o Tatou Taimi

I ona po o Samuelu, sa amioleaga sa Nifae, o lea sa valaaulia ai e Samuelu ia tagata ia salamo. Sa ia molimau atu foi i le soifua mai o Iesu Keriso ma lapataia e uiga i le matautia o le agasala (tagai Helamana 14:11–12). O a isi mataupu faavae na aoao atu e Samuelu? O le a se mea na aoao mai e Peresitene Nelson i o tatou taimi?

E Lē Faatatau i le Lauiloa

O le toatele o tagata sa feitai i aoaoga a Samuelu, ma sa latou osofaia o ia i maa ma aū. Sa ta’u atu e Samuelu e faapea, sa na ona latou naunau e mulimuli ia i latou o e fai mai e leai ni taunuuga o le agasala (tagai Helamana 13:25–27).

I o tatou taimi, sa saunoa Peresitene Nelson, “O perofeta e seāseā lava lauiloa.”¹ E mafai faapefea ona tatou aloese mai le faaaogaina o “maa” ma “aū” o loo faaaoga e tagata i perofeta i aso nei?

Pe o le a e Faalogo?

E ui ina toatele tagata sa teena ia Samuelu, ae sa talia e nisi lana savali. Ona latou faatinoina lea o ana upu e ala i le salamo ma papatisoina. O le a se mea e mafai ona e faia ia le gata ina faalogo ae faatinoina foi aoaoga a o tatou perofeta ma aposetolo o aso e gata ai?

Ata na tusia e Dan Burr