2020
Alolofa i o Tatou Aiga
Setema 2020

Mai le Au Peresitene Sili

Alolofa i o Tatou Aiga

Saunia e Peresitene Henry B. Eyring

Fesoasoani Lua i le Au Peresitene Sili

Ata
Peresitene Henry B. Eyring

Sii mai le “Ou Te Tuuina Atu Ia Te Outou Le Manuia,” Liahona, Me 2017, 15–18.

Ata
Loving Our Families

Na ta’u atu e le perofeta o Alema i lona nuu e tatau ona latou “fili faatasi o latou loto i le lotogatasi ma le alofa o le tasi i le isi” (Mosaea 18:21). O nisi taimi e mafai ona faigata ona lagonaina le lotogatasi i o tatou aiga, ae e mafai e le Agaga Paia ona fesoasoani ia i tatou.

Sa i ai se taimi sa osooso ai le ma atalii laitiiti i luga o lona moega. Sa ia osooso malosi ma sa ou manatu e ono gau lona moega! Sa ou le to’a. Sa ou alu atu ma toso mai o ia i ona tau’au. Sa ou sii a’e o ia i luga i le mea na fetaui ai o ma mata.

Ona oo mai lea i lo’u mafaufau na ou faalogo i le leo lemu o le Agaga Paia o fai mai, “Ua e uuina se tagata maoae.” Sa goto loloto ifo na upu i lo’u loto. Sa ou toe tuu ifo lemu lo’u atalii i luga o lona moega ma faatoese atu i ai.

O le taimi nei ua avea lo’u atalii ma se alii maoae. Ou te faafetai e faavavau ona sa fesoasoani mai le Agaga Paia ia te au ia ou vaai atu ia te ia e faapei ona silasila i ai le Tama Faalelagi ia te ia--o Sona atalii.

E mafai ona tatou taumafai e faalogo i le Agaga Paia pe a tatou vaai atu le tasi i le isi, ma e oo lava pe a tatou mafaufau i le tasi ma le isi. O le a fesoasoani lena tatou te lagona atili ai le alofa i o tatou aiga. ●

Tuputupu a’e i le Alofa

Ata
Growing in Love

Oti ese ni fasipepa ma tuu i totonu o se apa. A uma ona outou faia se tasi o gaoioiga, faaopoopo se sooga o lau filifili o fatu.

  1. Gagau faaafa le fasipepa.

  2. Gagau faatasi pito o le pepa ia foliga ai e pei o se fatu. Faapine pe faapipii faatasi.

  3. Ina ia faia se filifili, faapi’o pito o le isi fatu i totonu o le fatu muamua a o lei faapineina faatasi.

  • Fesili po o le a se mea e mafai ona e faia e fesoasoani ai.

  • Talanoa e uiga i se manatuaga malie.

  • Tatalo mo se tasi o lou aiga.

  • Tusi se faaupuga alofa i se tasi.

  • Fesili i se tasi pe na a mai lona aso.

  • Avatu se meainu po o sina meaai māmā.

  • Fai atu i se tasi e taua i latou ia te oe.

  • Fai se taaloga pe savalivali faatasi.

  • Fai atu, “Malie lou loto,” pe a manaomia ona e faia.