E mafai faapefea ona avea a’u ma masima o le eleele?

Ata

How can I be the salt of the earth

I lalo o le tulafono a Mose, sa tatau ona faamasima aano o manu a o lei faaaogaina o se taulaga (tagai Levitiko 2:13). E faapei foi ona sa saunia e le masima le aano o manu mo se taulaga, e mafai foi ona tatou fesoasoani e tapena le lalolagi mo le Alii e ala i le avea ma “masima o le eleele” (3 Nifae 12:13).

“Ou te tuu atu ia te outou ia avea outou ma masima o le eleele; ae afai e aveesea le mai o le masima o se a se mea a faamasima ai le eleele? O le a mai i lena taimi ona le toe lelei, le masima mo se mea, ae nao le lafo i fafo ma soli i lalo o vae o tagata” (3 Nifae 12:13; faaopoopo le faamamafa).

Masima o le eleele: Pe a tatou osi feagaiga ma Iesu Keriso, tatou te folafola atu e saunia le lalolagi mo Lona Afio Mai Faalua (tagai Mataupu Faavae ma Feagaiga 34:5–7).

Aveese lona malosi e faasao ai: E tatau ona avea i tatou o se “malamalama i le lalolagi” ma fesoasoani i isi e o mai ia Keriso. Afai tatou te le faia, e ono avea i tatou “o masima ua aveesea lona malosi e faasao ai” (Mataupu Faavae ma Feagaiga 103:9–10).

Leai se mea e toe aoga i ai: O le masima ua leai sona malosi e faasao ai, e leai se mea e toe aoga i ai. O i tatou o le masima o le eleele pe a tatou ‘tutu o ni molimau a le Atua i taimi uma ma i mea uma, ma i nofoaga uma atonu [tatou te] i ai” (Mosaea 18:9).