Մաս 26. Օր 4
3 Նեփի 20–22
Նախաբան
Նեփիացիների մեջ Իր ծառայության երկրորդ օրվա ընթացքում Հիսուս Քրիստոսը կրկին ժողովրդին սպասավորեց հաղորդությունը: Նա վկայեց, որ վերջին օրերում Հայրն իրականացնելու է Իսրայելի հավաքման ու երկրի բոլոր ազգերին օրհնելու Իր ուխտը: Նա նաև բացատրեց, որ վերջին օրերում Մորմոնի Գրքի առաջ գալը լինելու է նշան այն մասին, որ Հայրը սկսել է իրականացնել այդ ուխտը:
3 Նեփի 20.1–9
Փրկիչը կրկին ժողովրդին սպասավորում է հաղորդությունը
Եթե դուք երիտասարդ տղամարդ եք և ունեք Ահարոնյան Քահանայություն, խորհեք հետևյալ հարցերի շուրջ. Ձեզ համար ի՞նչ է նշանակում կարողանալ օգնել հաղորդությունը սպասավորել: Ինչպե՞ս եք Տիրոջը ցույց տալիս, որ դուք հասկանում եք այս արարողության սրբազան բնույթը:
Եթե դուք երիտասարդ կին կամ երիտասարդ տղամարդ եք, ով դեռ չունի քահանայություն, խորհեք հետևյալ հարցերի շուրջ. Ի՞նչ եք զգում, երբ տեսնում եք արժանի երիտասարդ տղամարդկանց հաղորդությունը սպասավորելիս: Ի՞նչ եք անում հաղորդության սպասավորման ընթացքում, որը ցույց է տալիս, որ դուք հասկանում եք դրա սրբազան բնույթը:
Ինչպես հիշատակված է 3 Նեփի 20.3–5-ում` Նեփիացիների մոտ Իր ծառայության երկրորդ օրվա սկզբին Փրկիչը հրաշքով հայթհայթեց հաց ու գինի, որպեսզի կրկին սպասավորի հաղորդությունը: Կարդացեք 3 Նեփի 20.1 և պարզեք, թե Նա ինչ խնդրեց ժողովրդին անել նախքան կպատրաստեր ու կբաժաներ հաղորդությունը: Ձեր կարծիքով, ձեր սրտում աղոթելն ինչպե՞ս կարող է ազդել հաղորդությունից ճաշակելու ձեր ամենշաբաթյա փորձառության վրա:
Կարդացեք 3 Նեփի 20.8: Ուշադրություն դարձրեք, որ Նեփիացիներն այդ ժամանակ գինի օգտագործեցին, բայց Եկեղեցու ներկայիս սահմանված կարգն է ջուր օգտագործելը (տես ՎևՈւ 27.2): Նաև ուշադրություն դարձրեք, թե ինչ են խորհրդանշում հացն ու ջուրը: Երբ մենք պարբերաբար ճաշակում ենք հաղորդությունից, մենք ցույց ենք տալիս մեր կամքը` դարձնելու Փրկչի Քավությունը մեր կյանքի մասը:
Ըստ 3 Նեփի 20.8-ի` Հիսուս Քրիստոսն ի՞նչ խոստացավ նրանց, ովքեր ճաշակում են հաղորդությունից: Մտածեք հաղորդության հացի ու ջրի չափաբաժնի մասին: Եթե դուք ֆիզիկապես սոված ու ծարավ լինեիք, հաղորդության հացն ու ջուրը կբավարարեի՞ն ձեր քաղցն ու ծարավը: Ավելի լավ հասկանալու համար, թե ինչպես մենք կարող ենք լցվել՝ հաղորդությունից ճաշակելով, կարդացեք 3 Նեփի 20.9 և ավարտեք այս սկզբունքը. Եթե մենք արաժանիորեն ճաշակենք հաղորդությունից, մենք կլցվենք .
Կարդացեք Տասներկու Առաքյալների Քվորումից Երեց Դալլին Հ. Օքսի հետևյալ խոսքերը և ընդգծեք այն ձևերը, որոնցով, ըստ նրա, դուք կարող եք օրհնվել, եթե լցվեք Սուրբ Հոգով.
«Եկեք ինքներս արժանի լինենք մեր Փրկչի խոստումին, որ ճաշակելով հաղորդությունից մենք «կհագենանք» (3 Նեփի 20.8; տես նաև 3 Նեփի 18.9), որը նշանակում է, որ մենք «կլցվենք Հոգով» (3 Նեփի 20.9): Այդ Հոգին` Սուրբ Հոգին, մեր մխիթարիչն է, մեր ուղղությունը գտնողը, մեզ հետ հաղորդակցողը, մեր թարգմանիչը, մեր վկան և մեզ մաքրագործողը. դեպի հավերժական կյանք տանող մեր մահկանացու կյանքի ճանապարհին մեր անսխալ առաջնորդն ու սրբագործողը:
…Գիտակցաբար ու հարգալից կերպով մեր մկրտության ուխտերը թարմացնելու փոքր թվացող արարքից գալիս է ջրով ու Հոգով մկրտության օրհնությունների թարմացումը, որպեսզի մենք միշտ կարողանանք նրա Հոգին մեզ հետ ունենալ: Այս եղանակով մենք բոլորս կառաջնորդվենք, և այս եղանակով մենք բոլորս կարող ենք մաքրվել» (“Always Have His Spirit,” Ensign, Nov. 1996, 61):
-
Հիշեք մի ժամանակի մասին, երբ դուք զգացել եք Սուրբ Հոգին հաղորդությունը ճաշակելիս: Մորոնի 4.3 և 5.2-ում կարդացեք հաղորդության աղոթքները: Ինչպե՞ս է ամեն շաբաթ հաղորդությունից ճաշակելն օգնում ձեզ լցվել Սուրբ Հոգով: Սուրբ գրությունների ուսումնասիրության ձեր օրագրում գրեք այդ եղանակներից մի քանիսը:
3 Նեփի 20.10–46
Փրկիչն ուսուցանում է Նեփիացիներին ուխտերի մասին, որոնք իրականանալու են վերջին օրերում
Մտածեք ձեր մի քանի ամենակարևոր հատկանիշների մասին: Ինչպիսի՞ հատկանիշների վրա եք կենտրոնանում: Դրանք ֆիզիկական առանձնահատկություններ էին, անհատական հատկանիշներ, թե՞ հոգևոր որակներ:
Կարդացեք Տասներկու Առաքյալների Քվորումից Երեց Դեյվիդ Ա. Բեդնարի հետևյալ խոսքերը և ընդգծեք այն մասը, որտեղ նա սահմանում է մեր ով լինելը. «Ձեզ կարող է դուր գալ երաժշտությունը, մարմնամարզությունը կամ դուք կարող է հակված լինեք մեխանիկայի նկատմամբ, և մի օր դուք կարող եք աշխատել առևտրի բնագավառում, արհեստի, կամ արվեստի: Որքան էլ որ այս գործողությունները կամ աշխատանքները կարևոր լինեն, դրանք չեն սահմանում մեր ով լինելը: Առաջինն ու ամենակարևորը՝ մենք հոգևոր էակներ ենք: Մենք Աստծո որդիներն [ու դուստրերն] ենք և Աբրահամի սերունդը» (“Becoming a Missionary,” Ensign կամ Liahona, Nov. 2005, 47):
Աբրահամի սերնդից լինել նշանակում է, որ մենք կամ բառացիորեն Աբրահամի սերունդներն ենք կամ դարձել ենք նրա որդիներն ու դուստրերը` Հիսուս Քրիստոսի ավետարանի օրենքների ու արարողությունների նկատմամբ հնազանդության միջոցով: Բոլորը ստանում են միևնույն խոստումներն ու ուխտերը, որ Աստված կապել է Աբրահամի հետ:
Ինչպես հիշատակված է 3 Նեփի 20.11–13-ում` Փրկիչն ուսուցանեց Նեփիացիներին այն ուխտերի և խոստումների մասին, որոնք կապվել էին Աբրահամի ու նրա սերունդների հետ, ովքեր Իսրայելի տունն են: Նա ուսուցանեց, որ Հայրը վերջին օրերին իրականացնելու է Իսրայելի տունը հավաքելու Իր ուխտը: Կարդացեք 3 Նեփի 20.13 և ուշադրություն դարձրեք, թե Իսրայելի տունը ինչ գիտելիք է ստանալու որպես հավաքման անհրաժեշտ մաս: Ձեր կարծիքով, ինչո՞ւ է այս գիտելիքն անհրաժեշտ:
Կարդացեք 3 Նեփի 20.25–26 և պարզեք, թե Փրկիչն ինչ ուսուցանեց այն մասին, թե Լեքիի սերունդներն ինչպես էին օրհնվել այն ուխտի շնորհիվ, որ Հայրը կապել էր Աբրահամի հետ: Փրկիչն ընդգծեց, որ Հայրն ուղարկել է Իրեն այցելելու Նեփիացիներին և նրանց մեղքից փրկելու, «որովհետև [նրանք] ուխտի զավակներն [էին]» (3 Նեփի 20.26):
-
Սուրբ գրությունների ուսումնասիրության ձեր օրագրում գրեք այն մասին, թե ինչպես եք դուք օրհնվել մկրտության ժամանակ Երկնային Հոր հետ կապած ձեր ուխտի միջոցով: Քանի որ դուք մկրտվել եք որպես Եկեղեցու անդամ, դուք համարվում եք Աբրահամի սերունդը և դուք պատասխանատվություն եք կրում օգնելու իրականացնել այն ուխտը, որ Աստված կապել է Աբրահամի հետ:
Կարդացեք 3 Նեփի 20.27 և ընդգծեք այն արտահայտությունները, որոնք ուսուցանում են հետևյալ սկզբունքը. Որպես Աբրահամի սերունդ մենք ունենք ուխտյալ պատասխանատվություն օրհնելու աշխարհի բոլոր մարդկանց:
Երեց Դեյվիդ Ա. Բեդնարի հետևյալ խոսքերը կարդալիս ուշադրություն դարձրեք, թե մենք` որպես Աբրահամի սերունդ, ինչպես պետք է օրհնենք աշխարհի մարդկանց: «Դուք և ես, այսօր և միշտ պետք է օրհնենք աշխարհի ազգերի բոլոր մարդկանց: Դուք և ես, այսօր և միշտ պետք է վկայենք Հիսուս Քրիստոսի մասին և հայտարարենք Վերականգնման ուղերձը: Դուք և ես, այսօր և միշտ պետք է հրավիրենք բոլորին ստանալ փրկության արարողությունները: Ավետարանը հայտարարելը քահանայության մասնակի պարտականություն չէ: Դա պարզապես մի գործունեություն չէ, որի մեջ մենք ներգրավվում ենք սահմանափակ ժամանակով, կամ մի հանձնարարություն, որը պետք է ավարտենք որպես Հիսուս Քրիստոսի Վերջին Օրերի Սրբերի Եկեղեցու անդամներ: Ավելի շուտ միսիոներական աշխատանքը մեր հոգևոր ինքնության և ժառանգության դրսևորումն է: Նախասահմանվելով նախաերկրային կյանքում և ծնվելով մահկանացու կյանքում, մենք պետք է իրականացնենք այն ուխտն ու խոստումը, որ Աստված կապել է Աբրահամի հետ: Մենք այստեղ ենք` երկրի վրա, այս ժամանակահատվածում, որպեսզի մեծարենք քահանայությունը և քարոզենք ավետարանը: Ահա, թե ով ենք մենք, և այդ պատճառով է, որ մենք այստեղ ենք այսօր և միշտ» (“Becoming a Missionary,” 47):
-
Սուրբ գրությունների ուսումնասիրության ձեր օրագրում պատասխանեք հետևյալ հարցերին.
-
Ի՞նչ կարող եք անել հիմա որպես երիտասարդ՝ աշխարհում ուրիշներին օրհնելու համար:
-
Ձեր կարծիքով, ինչո՞ւ է կարևոր ձեզ համար հասկանալը, որ դուք Աբրահամի սերնդից եք:
-
3 Նեփի 21–22
Հիսուս Քրիստոսը ցույց է տալիս Իսրայելի տան հավաքման նշանները վերջին օրերում
Ինչպես հիշատակված է 3 Նեփի 21–22-ում` Փրկիչը Նեփիացիներին շատ բաներ ուսուցանեց վերջին օրերի` մի ժամանակահատվածի մասին, երբ ավետարանը վերականգնվելու էր աշխարհում և սրբերը պատրաստվելու էին Նրա Երկրորդ Գալստյանը:
-
Որպեսզի պարզեք, թե Փրկիչն ինչ ուսուցանեց վերջին օրերում Իսրայելի հավաքման մասին, ինչպես հիշատակված է 3 Նեփի 21–22-ում, կարդացեք հետևյալ աղյուսակի ձախ սյունակի սուրբ գրությունների բոլոր հատվածները: Այնուհետև ընտրեք աջ սյունակի հարցերից երկուսը, որպեսզի դրանց պատասխանեք սուրբ գրությունների ուսումնասիրության ձեր օրագրում:
Հատվածներ |
Հարցեր |
---|---|
Կարդացեք 3 Նեփի 21.1–2, 7: Երբ Մորմոնի Գիրքն առաջ գա վերջին օրերում, դա նշան կլինի, որ Հայրը սկսել է Իսրայելի տան հավաքումը: |
|
Կարդացեք 3 Նեփի 21.9: «Մեծ և զարմանալի գործ» արտահայտությունը վերաբերում է Հիսուս Քրիստոսի ավետարանի Վերականգնմանը: |
|
Կարդացեք 3 Նեփի 21.10–11 և մտածեք, թե ինչպես է այս նկարագրությունը համապատասխանում Մարգարե Ջոզեֆ Սմիթին: |
|
Կարդացեք 3 Նեփի 21.22: Եթե մարդիկ ապաշխարեն և չկարծրացնեն իրենց սրտերը, նրանք կհամարվեն Իսրայելի տան թվում: |
|
Կարդացեք 3 Նեփի 22.7–10 և ուշադրություն դարձրեք այն խոստումներին, որ Փրկիչը տվեց Իր ուխտյալ ժողովրդին, ովքեր վերադառնում են Նրա մոտ` Նրա հետ կապած ուխտերը մոռանալուց հետո: |
|
Խորհեք ինչ-որ մեկի մասին, ում հետ դուք կարող եք կիսվել Հիսուս Քրիստոսի, Մորմոնի Գրքի, ավետարանի Վերականգնման և Մարգարե Ջոզեֆ Սմիթի առաքելության մասին ձեր վկայությամբ, որպեսզի օգնեք այդ անձնավորությանը ստանալ վերականգնված ավետարանի օրհնությունները: Նաև մտածեք, թե ինչպես կարող եք խրախուսել ուրիշներին գալ դեպի Տերը, ներառյալ նրանց, ովքեր նախկինում հավատարիմ են եղել ավետարանին, բայց այժմ հավատարիմ չեն: Կոնկրետ անձնավորության մասին մտածելիս նպատակ սահմանեք, որպեսզի գործեք ձեր ստացած մղումներով:
-
Գրեք հետևյալը՝ սուրբ գրությունների ուսումնասիրության ձեր օրագրում՝ այսօրվա հանձնարարության տակ.
Ես ուսումնասիրեցի 3 Նեփի 20–22 և ավարտեցի այս դասը (ամսաթիվ):
Լրացուցիչ հարցեր, մտքեր և ներշնչումներ, որոնցով ես կցանկանայի կիսվել իմ ուսուցչի հետ.