ការគាំទ្រពួកអ្នកមានសិទ្ធិអំណាចទូទៅ ពួកចិតសិបនាក់ប្រចាំតំបន់ និងពួកអ្នកកាន់តំណែងទូទៅ
បងប្អូនប្រុសស្រី ខ្ញុំមានកិត្តិយសណាស់ដើម្បីឧទ្ទេសនាមពួកអ្នកមានសិទ្ធិអំណាចទូទៅ ពួកចិតសិបនាក់ប្រចាំតំបន់ និងអ្នកកាន់តំណែងទូទៅនៃសាសនាចក្រ ដើម្បីទទួលការគាំទ្រពីបងប្អូន ។
សូមបង្ហាញការគាំទ្រតាមធម្មតាទោះជាបងប្អូននៅទីកន្លែងណាក្តី ។ ប្រសិនបើមានអ្នកជំទាស់ យើងសូមឲ្យបងប្អូនទាក់ទងទៅប្រធានស្ដេករបស់បងប្អូន ។
យើងត្រូវបានស្នើសុំឲ្យគាំទ្រ រ័សុល ម៉ារៀន ណិលសុន ជាព្យាការី អ្នកមើលឆុត និងអ្នកទទួលវិវរណៈ ហើយជាប្រធានសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ, ដាល្លិន ហារីស អូក ជាទីប្រឹក្សាទីមួយនៅក្នុងគណៈប្រធានទីមួយ ព្រមទាំង ហិនរី ប៊ែនញៀន អាវរិង ជាទីប្រឹក្សាទីពីរនៅក្នុងគណៈប្រធានទីមួយ ។
បងប្អូនដែលគាំទ្រ សូមបង្ហាញ ។
បើមានបងប្អូនណាដែលជំទាស់ សូមបង្ហាញ ។
យើងត្រូវបានស្នើសុំឲ្យគាំទ្រ ដាល្លិន អេក អូក ជាប្រធានកូរ៉ុមនៃពួកសាវកដប់ពីរនាក់ និង អិម រ័សុល បាឡឺដ ជាប្រធានស្ដីទីក្នុងកូរ៉ុមនៃពួកសាវកដប់ពីរនាក់ ។
បងប្អូនដែលគាំទ្រ សូមបង្ហាញ ។
បើមានការជំទាស់ សូមបង្ហាញ ។
យើងត្រូវបានស្នើសុំឲ្យគាំទ្រសមាជិកក្នុងកូរ៉ុមនៃពួកសាវកដប់ពីរនាក់ដូចតទៅនេះ ៖ អិម រ័សុល បាឡឺដ, ជែហ្វ្រី អ័រ ហូឡិន, ឌៀថើរ អេហ្វ អុជដូហ្វ, ដេវីឌ អេ បែដណា, ឃ្វីនថិន អិល ឃុក, ឌី ថត គ្រីស្តូហ្វឺសិន, នែល អិល អាន់ឌើរសិន, រ៉ូណល អេ រ៉ាសបាន, ហ្គែរី អ៊ី ស្ទីវ៉ែនសុន, ឌេល ជី រេនឡាន់, ជែរីត ដ័បុលយូ ហ្កង និង អូលីសេស សូរ៉េស ។
បងប្អូនដែលគាំទ្រ សូមបង្ហាញ ។
បងប្អូនដែលជំទាស់ សូមបង្ហាញ ។
យើងត្រូវបានស្នើសុំឲ្យគាំទ្រទីប្រឹក្សានៅក្នុងគណៈប្រធានទីមួយ និងកូរ៉ុមនៃពួកសាវកដប់ពីរនាក់ជាព្យាការី អ្នកមើលឆុត និងអ្នកទទួលវិវរណៈ ។
បងប្អូនដែលគាំទ្រ សូមបង្ហាញ ។
បើមានការជំទាស់ សូមបង្ហាញដោយសញ្ញាដូចគ្នា ។
ដូចបានប្រកាសពីមុន យើងបានហៅ អាឡិចហ្សេនឌើរ ដាសគូ ឲ្យបម្រើជាពួកចិតសិបនាក់ដែលមានសិទ្ធិអំណាចទូទៅ ។
បងប្អូនដែលគាំទ្រ សូមបង្ហាញ ។
អស់អ្នកដែលជំទាស់សូមបង្ហាញដូចគ្នា ។
យើងសូមថ្លែងអំណរគុណដល់ពួកចិតសិបនាក់ប្រចាំតំបន់ពីររូប ដែលបានបញ្ចប់ការបម្រើរបស់ពួកលោក ហើយឈ្មោះរបស់ពួកលោកអាចរកបាននៅលើគេហទំព័ររបស់សាសនាចក្រ ។
អស់អ្នកដែលចង់ចូលរួមបង្ហាញនូវការដឹងគុណជាមួយនឹងពួកយើង ចំពោះការបម្រើដ៏ឧត្ដុង្គឧត្ដមរបស់បងប្អូនប្រុសទាំងនេះ សូមបង្ហាញ ។
យើងត្រូវបានស្នើសុំឲ្យគាំទ្រពួកអ្នកមានសិទ្ធិអំណាចទូទៅ និងពួកចិតសិបនាក់ប្រចាំតំបន់ រួមមានពួកចិតសិបនាក់ប្រចាំតំបន់ថ្មីពីររូប ដែលបានប្រកាសនៅដើមសប្ដាហ៍នេះ នៅលើគេហទំព័ររបស់សាសនាចក្រ និងពួកអ្នកកាន់តំណែងទូទៅដទៃទៀតដូចបានធ្វើឧទ្ទេសនាមមកនេះ ។
បងប្អូនទាំងឡាយណាដែលគាំទ្រ សូមបង្ហាញដោយការលើកដៃ ។
បងប្អូនដែលជំទាស់ សូមបង្ហាញ ។
សូមអរគុណបងប្អូនប្រុសស្រីចំពោះសេចក្តីជំនឿ និងការអធិស្ឋានជាបន្តបន្ទាប់របស់បងប្អូនជំនួសឲ្យថ្នាក់ដឹកនាំសាសនាចក្រ ។
ផ្លាស់ប្តូរចំពោះពួកចិតសិបនាក់ប្រចាំតំបន់
ពួកចិតសិបនាក់ប្រចាំតំបន់ខាងក្រោមត្រូវបានគាំទ្រក្នុងអំឡុងពេលសម័យប្រជុំដឹកនាំដែលធ្វើឡើងជាផ្នែកនៃសន្និសីទទូទៅ ៖
រ៉ូជីរីអូ បូសឈី និង ឃើត អែល ហ៊ូដស៏
ពួកចិតសិបនាក់ប្រចាំតំបន់ខាងក្រោមត្រូវបានដោះលែងក្នុងអំឡុងពេលសម័យប្រជុំដឹកនាំដែលធ្វើឡើងជាផ្នែកនៃសន្និសីទទូទៅ ៖
ហិនរី ជេ អាវរិង និង យ៉ង់ជុន ហ្វន