Taimi Feʻinasiʻakí
Ko e Puleʻanga ʻi ʻOlungá
“Pea ʻe papitaiso ʻa ʻenau fānaú ki he fakamolemole ʻo ʻenau ngaahi angahalá ʻi he taimi ʻoku nau taʻu valu aí, pea maʻu ʻa e hilifaki ʻo e nimá” (T&F 68:27).
Ne hāʻele mai ʻa Sīsū kia Sione,
ʻI Siutea,
Papitaiso fakauku ʻI he vai ko Soataní.
“Fakahoko ia ʻo e fonó,” folofola ia ʻa [Sīsū],
Nofo ai mo e Tamaí
ʻI hono Puleʻangá.”
ʻIlo heni kuo pau
Ke tau tui kia Sīsū,
Papitaiso ke talangofua,
Hangē pē ko Sīsū [Kalaisi, ko hotau ʻEiki.]
(“Ko Hoku Papitaisó,” Tohi Hiva ʻa e Fānaú, 54–55)
Naʻe toki papitaisó ni mo hilifakinima ʻa Makenisī, taʻu 8. Naʻá ne pehē, “Ko e konga lelei taha ʻi hoku papitaisó ʻa e taimi ne u ʻalu hifo ai ki he loto vaí. Ne u ʻongoʻi maʻa, fiemālie, loto-māfana, mo fiefia.” ʻOku hanganaki fiefia atu ʻa Mātiu, taʻu fitu, ki hono papitaiso mo hilifakinima iá. Naʻá ne pehē, “ʻE hilifaki ʻe he kakai tangata ʻoku nau maʻu e lakanga fakataulaʻeikí ʻa honau nimá ʻi hoku ʻulú.”
ʻOku mahino kia Mātiu mo Makenisī ko e papitaisó mo e hilifakinimá ko ha fekau ia. ʻOkú na ʻiloʻi ʻe fie maʻu ke na muimui ʻi he faʻifaʻitakiʻanga ʻa Sīsuú kae ʻi ai ha ʻaho te na lava ke na hū ai ki he “puleʻanga ʻi ʻolungá” ʻo nofo fakataha mo e Tamai Hēvaní mo Sīsū Kalaisi (vakai, 2 Nīfai 31:17–18).
Fakakakato e pāsolo fuopotopoto ʻoku fakamatalaʻi atu ʻi he peesi K4 ke fakamanatuʻi atu ko e niʻihi ʻo e ngaahi meʻa mahuʻinga taha te ke fakahoko ʻi hoʻo moʻuí ko e papitaiso ʻi he fakauku, hilifakinima ke hoko ko ha mēmipa ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní, pea maʻu ʻa e meʻafoaki ʻo e Laumālie Māʻoniʻoní.