Ko e Leʻo ʻo e Palōfitá

Naʻe fakafanongo e kakaí ʻi he taimi naʻe lea ai ʻa Siosefa Sāmita ki ha haʻofanga. Naʻá ne tohoakiʻi ʻenau tokangá ʻi ha ngaahi houa lahi, pea naʻe faʻa saiʻia ange ʻa e fānaú ia ke fanongo ki he Palōfitá ʻo laka ange ia ʻi haʻanau vaʻinga.

Naʻe faʻa malanga ʻa Siosefa ʻi tuʻa koeʻuhí ke lava ʻo fanongo ki ai ha kakai tokolahi ange. ʻI ha ʻaho pehē ʻe taha ʻi Nāvū, naʻe tō mai ha fuʻu ʻuha mo ha matangi mālohi lolotonga ʻene malangá.

ʻOku fuʻu matolu e efú; ʻoku ʻikai te u lava ʻo sio ki ha meʻa.

Tau ō ki ʻapi naʻa toe kovi ange.

Naʻe ui ʻa Siosefa kiate kinautolu naʻe kamata ke ʻalú.

Tuku ke lotu ʻa e tokotaha kotoa pē ki he ʻOtua Māfimafí ke tuʻu e matangí mo e ʻuhá, pea ʻe hoko ia.

ʻE Tamai, tāpuakiʻi ke tuʻu ʻa e matangí mo e ʻuhá.

Hili mei ai ha ngaahi miniti kuo mavaeua ʻa e matangí. Naʻe ngaungaue ʻa e ʻuluʻakau mo e ʻakau iiki ʻi he ongo tafaʻakí koeʻuhí ko e havilí, ka naʻe malū ʻa e feituʻu naʻe malanga ai ʻa Siosefá.

ʻE kāinga, ʻoku ou fie lea kiate kimoutolu ʻo kau ki ha ngaahi moʻoni mahuʻinga.

Hili e houa ʻe taha mei ai, naʻe fakaʻosi e lea ʻa e palōfitá, pea toe tō mai e matangí.

Mou foki vave atu ki homou ngaahi ʻapí ʻo fakakaukau ki he meʻa kuó u lea ʻakí.

Vave, fānau.

Naʻe mālohi ʻaupito e malanga mo e founga moʻui ʻa Siosefá ʻo fakamoʻoni mālohi ai ha tokolahi ki hono moʻoni ʻo e ongoongoleleí mo e uiuiʻi ʻo Siosefa ko e Palōfitá.

ʻOku ou ʻiloʻi ia ko e tokotaha tofu pē ia naʻá ne pehē ko iá—ko ha palōfita moʻoni ʻa e ʻOtuá.

Ko ha palōfita moʻoni ia ʻa e ʻOtua moʻuí; pea ko e lahi ange ʻeku fanongo ki heʻene ngaahi leá mo sio ki heʻene ngaahi ngāué, ko e lahi ange ai pē ia ʻeku tui ki aí.

ʻOku kei manatua pē ʻa e Palōfita ko Siosefa Sāmitá he ʻahó ni ʻe ha kakai ʻe laui miliona ʻi māmani ʻoku nau ʻiloʻi naʻe uiuiʻi ia ʻe he ʻOtuá ke toe fakafoki mai ʻa e ongoongolelei ʻo Sīsū Kalaisí ki māmani.