Usa ka Pasko sa Temple Square

Daghang mga tawo ang ganahan nga mobisita sa Temple Square panahon sa Pasko. Si Liza, 11 anyos, ug si Hiram, 10 anyos, mga manag-agaw gikan sa Kaysville, Utah, kinsa miadto aron motan-aw sa maanindot nga mga suga ug mga talan-awon sa Temple Square.

Lisud ang pagdesider kon unsay tan-awon og una. Bisag asa ang mga kahoy natabunan sa gagmay nga nagkidlap-kidlap nga mga suga nga pink, yellow, blue ug green. Una sa tanan, ang Templo sa Salt Lake mogilaw sa masilakon nga kaputi, uban sa bulawan nga estatuwa ni Moroni nga nagsidlak sa ibabaw.

Si Liza ug Hiram nalingaw sa pagtan-aw sa pipila ka sama sa gidak-on sa bata nga mga talan-awon sa pagkatawo ni Jesus nga espesyal nga gihimo ilabi na sa kabataan kinsa miadto sa 2002 Winter Olympics sa Siyudad sa Salt Lake.

Mga artist gikan sa daghang mga nasud ang mihimo sa mga talan-awon aron sa pag-abi-abi sa mga bata nga gikan sa tibuok kalibutan ug mitabang kanila nga maghunahuna mahitungod sa Manluluwas. Kadtong mga talan-awon gipakita gihapon panahon sa Pasko didto sa Temple Square. Adunay mga talan-awon sa pagkatawo ni Jesus nga gikan sa Japan, Mexico, New Zealand, ug Poland. Kon tan-awon ninyo og maayo, inyong makita ang pipila ka dili kasagaran nga mga gasa alang sa batang Jesus!