Pasko sa tibuok Kalibutan

Kabataan sa tibuok kalibutan nagsaulog sa Pasko sa nagkalain-laing mga paagi. Kini nga kalendaryo naghulagway sa pipila niini. Guntinga ang mga litrato diha sa pahina H16. Ibutang kini nga kalendaryo diha sa bong-bong sa inyong panimalay. Sugod sa Disyembre 1, pangitaa ang litrato nga gihulagway pinaagi sa mga pulong alang sa maong adlaw. Dayon ipapilit ang litrato sa kwadro alang niana nga adlawa.

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

Sa Japan, ang kabataan ganahan mokaon og Christmas cake nga may mga strawberry ug gipahid nga cream.

Sa Finland, ang mga pamilya mobisita sa mga sementeryo sa Bisperas sa Pasko ug mobutang og mga kandila sa mga lubnganan sa mga minahal.

Sa India, ang mga tawo mobutang og gamay nga lampara nga hinimo sa lapok diha sa mga atop sa ilang mga panimalay aron sa pagpakita nga si Jesus mao ang Kahayag sa Kalibutan.

Sa Ireland, ang mga pamilya mobutang og mga kandila diha sa mga bintana sa ilang mga panimalay aron sa pagpakita nga sila miabi-abi ni Maria ug Jose.

Ang German nga mga bata mobiya sa ilang mga sapatos o mga botas duol sa pugon o gawas sa ilang atubangang mga pultahan. Pagkasunod buntag, ang mga sapatos mapuno na sa mga candy.

Sa Australia, daghang mga tawo ang moadto sa baybayon ug manganta og mga daygon sa Pasko.

Ang mga pamilya sa Argentina modagkot og porma sa diamond nga mga balloon nga papel nga gitawag og globos sa Bisperas sa Pasko ug buhian kini ngadto sa kalangitan inigka gabii.

Sa Venezuela, ang kabataan magroller-skate diha sa mga karsada inigka buntag sa Pasko.

Sa Estados Unidos, ang mga tawo moadorno sa mga kahoy nga evergreen og gagmay nga mga suga, tinsel, ug mga dayan-dayan.

Ang mga pamilya sa Pilipinas mangadorno og mga parol, nga giporma og bitoon nga hinimo sa kawayan ug papel de hapon ug pasigaan og gagmay nga mga suga.

Sa Liberia, ang mga pamilya mangaon sa gawas, maglingkod nga naglibut. Ang usa ka tradisyonal nga Pasko sa Liberia naglakip og mga biskwit, kan-on, ug karne sa baka.

Sa Bulgaria, ang matag usa sa lamesa magdungan og tindog inig kahuman na og pangaon.

Sa adlaw sa Pasko sa Sweden, ang kinamagulangang anak nga babaye magsul-ob og puti nga sinina nga adunay pula nga laso ug silbihan ang iyang mga ginikanan og pamahaw diha sa ilang higdaanan.

Sa Holland, ang mga pamilya magsaulog sa Bisperas sa Pasko pinaagi sa pag-inom og sikwate ug mokaon og banketletter, usa ka cake nga sama og porma sa unang litra sa apelyido sa pamilya.

Sa Norway, ang mga bata mokaon og nilugaw nga humay. Ang bata nga makakita sa gitago nga mani makadaog og candy nga baboy o usa ka piraso nga tsokolate.

Ang mga pamilya sa Mexico maggunting og mga gidesinyo nga mga bag nga papel aron himoon nga mga parol, o farolitos. Ang mga kandila ibutang sulod sa mga farolitos, nga maglaray diha sa mga daplin sa dalan, mga bintana, ug mga atop.

Ang mga bata sa Espanya panghatagan og mga dulaan, mga tam-is nga makaon, o gagmay nga mga instrumento samtang moadto sila sa mga kabalayan mag-recite og mga bersikulo o manaygon.

Usa ka semana sa dili pa ang Pasko, ang mga bata sa Italy magsinina nga ingon og mga pastol moadto sa mga pultahan manganta ug mag-recite og mga balak.

Ang mga bata sa England makadawat og tinabonan sa papel nga tubo, nga gitawag og cracker sa Pasko, atol sa tingkaon sa Pasko. Ang tubo kusog nga muboto kon birahon ang isig ka tumoy aron matunga. Usa ka papel nga kalo, balak, o gamay nga dulaan ang anaa sa sulod.

Sa New Zealand, daghang mga siyudad ang magsaulog diha sa mga parke. Ang mga tawo maminaw sa inila na kaayo nga mga tigkanta nga manganta og mga daygon sa Pasko.

Ang mga pamilya sa Tonga mangsayo og mata aron mohimo ug mohatud og pamahaw ngadto sa ilang mga silingan. Ang mga bata madasigon nga mohatud niini nga pamahaw ug motan-aw kon unsa ang dad-on sa mga silingan.

Sa Paraguay, ang mga tawo moadorno sa ilang mga panimalay og mga butay sa lubi.

Sa Lebanon, mga garbansos, mga trigo, mga batong, ug mga preholes ang ipangtanom mga duha ka semana sa dili pa ang Pasko. Ang mga turok gamiton aron ipalibut sa pagkatawo nga talan-awon diha sa panimalay.

Sa Ghana, ang mga pamilya magbuntagay og dula. Sa dili pa ang tungang gabii, ang pamilya mag-ihap sa mga segundo hangtud sa adlaw sa Pasko.

Bisan tuod kon kita nagsaulog sa nagkalain-lain nga mga paagi, ang Pasko mihatag kanato og kahigayunan sa paghinumdom sa pagkatawo ni Jesukristo.