Mga Ideya sa Family Home Evening

“Kaming Tulo ka mga Hari,” p. 12: “Kadaghanan sa mga tawo makakat-on og mas labaw pa ug makahinumdom og mas dugay kon kamo mopakita og mga ideya pinaagi sa paggamit og mga litrato, mga mapa, paggrupo sa pulong, o ubang mga biswal.”¹ Hunahunaa ang pagpakita og mga litrato gikan niini nga artikulo o ubang mga butang samtang kamo nagtudlo gikan niini nga artikulo. Ang pag-role play maoy usa ka paagi sa paggamit og mga indibidwal isip mga biswal.² Hunahunaa ang pag-role-play sa pagbisita sa mga Mago ngadto sa batang Kristo samtang kamo nagkat-on uban sa inyong pamilya.

“Pagsimba pinaagi sa Balaan nga Pagtahud,” p. 26: Mga miyembro sa pamilya ang ingon og makasabut ug mogamit sa mga doktrina kon sila mahatagan og mga kahigayunan sa pagtudlo niana nga mga doktrina ngadto sa uban.³ Hunahunaa ang paghimo sa mga miyembro sa pamilya nga magtudlo sa usag usa sa mga baruganan gikan sa artikulo. Pipila ka adlaw sa dili pa ang family home evening, bahina ang artikulo ngadto sa tulo ka mga seksyon ug modapit og tulo ka mga miyembro sa pamilya aron makigbahin atol sa family home evening sa ilang nakat-unan gikan sa ilang mga seksyon.

“Ang Panalangin sa Pagtrabaho,” p. 36: Ang mga istorya mahimo nga makapukaw sa kaikag sa mga nagkat-on ug sa kasagaran usa ka epektibo nga paagi sa pagtudlo.⁴ Aron sa paghulagway sa doktrina sa trabaho nga gitudlo ni Bishop H. David Burton, hunahunaa ang pagpakigbahin gikan sa artikulo sa mga kasinatian nila ni Presidente Thomas S. Monson, Henry B. Eyring, ug Dieter F. Uchtdorf. Kamo mahimo nga motapus sa inyong leksyon pinaagi sa pagdapit sa mga miyembro sa pamilya sa pagpakigbahin og istorya mahitungod sa trabaho nga nakapanalangin sa ilang mga kinabuhi.