Ako nalipay kaayo nga nakakita og grupo sa batan-ong mga lalaki ug batan-ong mga babaye atubangan sa Roman Forum sa pahina 32 sa Septyembre 2008 nga Liahona. Ako nagmisyon sa Italy niadtong 1971. Samtang nag-proselyte sa Roma, gitudloan nako ug sa akong kompanyon ang duha ka talagsaon nga mga bata, sila si Alberto ug Massimo De Feo, kinsa sa kaulahian nabunyagan. Hunahunaa ang akong kalipay nga nakakita kang Denise De Feo diha sa artikulo ug nasayran nga siya anak nga babaye ni Massimo, kinsa mao karon ang presidente sa Rome Italy Stake. Akong nasayran usab nga si Alberto mao ang branch president sa Canada. Ako mapasalamaton sa Ginoo sa mga kasinatian sa akong misyon ug nakakita sa mga bunga sa Iyang ebanghelyo.

Sa mga panahon sa kasubo, ako kanunay mopakli sa Liahona aron mobasa sa mga mensahe gikan sa propeta ug sa mga apostoles. Ang ilang mga pulong nakahatag og kahupayan ug hingpit nga kalipay sa akong kalag. Salamat kaayo alang niining magasin! Kini nakatabang kanako nga mobati sa gugma sa akong Langitnong Amahan ug sa akong Manunubos, nga si Jesukristo.