Ara Iteraniba
A reireinai au karo taekan te euangkerio ao a tia n riki bwa taian banna ni katoto nakoiu ngke I uarereke. I reiakinna ni wareki karaki man koroboki aika a tabu ibukia ataei, ao ngkai I a tangira ana Boki Momon. I warekia ni katoa bong, n ti ngai ma au utu. Amon bon au aomata ae I tatangiria n ana Boki Momon. Bon te mitinare ngaia ae korakora, are I tangiria ni kan riki n ai arona ngkana I a ikawai.
Esteban M., ana ririki 8, Colombia
Ngke a motirawa au utu i Panama, n aban tinau are e bungiaki iai, au karo a kaira nako tariu ae uarereke, Yhoalibeth, nako Panama City Panama Tembora. E kairira tinara bwa ti na ringa oon te tembora. I mwina, ngke I tuanga tinau aron kukureiu ngke ti roko n te tembora, e tuangai tinau bwa I a namakina te Tamnei ae Raoiroi.
Sergio B. Jr., ana ririki 7, Florida, USA
Pasha Z., ana ririki 9, Ukraine
Ngke Letícia C., ana ririki 6, bon 3 ana ririki ni maiu, ngke a taubobonga te Tembora ae Curitiba Brazil. E tangiria ni kan nako n te tembora, ao e nako ikekei ni katoabong ni kabanean wikin te tai ni kaneweaba. E teimatoa n tangira te nanako n te tembora ao n nakonako rinanon te onaroka aika tamaroa. Mamaten nanon nei Leticia bon te korotamei ao te uaua naba.
Moanrinan: Ira Iesu
Maurizio D., ana ririki 11, Italy, e tangira te botaki n toa ibukina bwa e reiakina taekan te Tama are i Karawa ao Iesu Kristo. E tangiria ni kan nako n taromauri ibukina bwa e kaunga ao ni kakaongora ao n rangin tamaroa. E kukurei i nanon te Ekaretia ao e tiraua raoraona.
Ngke ti a katauraoira ibukin katabwenanaontano te Tembora ae Tijuana Mexico, ti bon rangin kukurei. Ti nako n aron ae te utu ni karaoa ara mwakuri n ibuobuoki. Ti katiaka tinanikun te tembora. I ataia bwa te Uea e aki totoki ni kawara Ana Auti ngkana e a tia raoi.
Jesus S., ana ririki 6, Mexico
Kamatebwaian koroboki aika a tabu e buokai n rinea te eti.
“Bwatua ni Kora,” iroun P. Tuyêt Hoa, ana ririki 10, Cambodia
I rinea te eti ngkana I ira te Tama are i Karawa ao Iesu Kristo.
N. Thi LinĐa, ana ririki 8, Cambodia
Mamatennanou ni mwakoron ana Boki Momon bon rongorongon Nibwai ao te mwananga rinanon marawa.
Kelly C., ana ririki 10, Philippines
Ti kainnanoia ni kabaeaki n te tembora bwa ti aonga ni maeka n aron te utu n aki toki.
Shanna C., ana ririki 8, Philippines
I tangiria n nako n taromauri ma au utu ao n reiakina taekan Iesu Kristo. Ni mwengau I tangira te wareware ao n reiakina rongorongon koroboki aika a tabu, anenei kuna n taromauri, ao n takakaro n taian takakaro n tain botakin te utu n te tairiki. Te euangkerio e kakabwaia au utu ao n anganai namakinan te kukurei. I a tia n anga ana Boki Momon nakoia taan reirei aika teniman ao nakon raoraou ae tangiraki, Miguel. Mamatennanou ni kunan te Moanrinan bon “We’ll Bring the World His Truth” (Children’s Songbook, 172).
Martim P., ana ririki 6, Portugal
Henrique S., ana ririki 7, Brazil