N na Kanga n Riki bwa te Mitinare ae Nakoraoi?

I nanorinano n ataia bwa au onimaki e aki tau. I taratarai tabo ake I kona ni kakorakora iai au onimaki ao I kunea bwa ngkana a nakoraoi bwai nakon are e baireaki, I a tia ni kabwara nanou. Tataekina au Euangkerio e kangai: “Te bwarannano e na kamamara am onimaki. Ngkana ko kamamara am kantaninga, bonganam e na kekerikaaki, ingaingan nanom e na mamara, ao kona karekea te kanganga ae korakora n iriira te Tamnei.”² I ataia bwa I a tia ni kariaia konaakira bwa e na kamamaara au onimaki.

I waaki n tataro ibukin te bitaki n nano ao te onimaki riki. I katan naba iaon te berita are e kaotaki i nanon Moomon 9:21: “Ane e kakoaua Kristo, ma n akea te bwai ae e nanououa iai, ao te bwai are e na butiia te Tama n aran Kristo e an bon anganaki; ao aio te berita nakoia aomata ni kabane, ni karokoa tokin te aonaaba.” Te berita e kairai bwa nna kakorakorai riki n tataro ibukin kakabwaia ao kakai ake ti namakinna bwa ngai ao toau ti kainnanoi, ni karinna n tainako, “E na tauaki am taeka.” Tataro aikai e buokai ni butimwaea te bitaki n te baire ao n motirawa ma te onimaki ae korakora, n ataia bwa Tamara are i Karawa e kaekai ara tataro n onimaki—e ngae ngke kaeka a roko inanon kawai ake ti aki butimwaai. I a kona riki ni kinai kawai ake e kairiira nako iai te Uea inanon ara bong.

Ngke I mwakuri i aon kakorakoraan au onimaki, I kunea iteran te rongorongo ae kaunganano man Tataekina au Euangkerio bwa e bon koaua: ngkana ko karieta am kantaninga, nakoraoim e na rikirake, ingaingan nanom e na rikirake ao ko na kona n iriira raoi riki te Tamnei. N reitia, e a unga riki nanou n taekan te mwakuri ni mitinare, ao au ibuoboki ni mitinare ngke I a kona n ataia ao ni kakaaitau ni kakai ake a riki ni katoabong.

E waki to Uea ni kaotia nakoiu bwa E na karaoi kakai ibukira ni katoa bong—ma I bon aki atai ni karokoa I karaoa te mwakuri ni kateimatoa te kakaaitau ae kororaoi. Kaotan te kakaaitau e raka riki nakon karaoan te katei ae tamaroa ke ataakin te riai. Ngkana I kaota au kakaaitau nakon te Uea ao nakoia tabeman, I kakorakoraaki. I kunea bwa ngkana I kukurei ibukiia mitinare ake tabeman ngkana a tia ni karaoa ae nakoraoi nakon are N na bakantang (tara Aramwa 29:14, 16). I kona riki ni kabanea au iango iaon are I a tia ao ae e nakoraoi nakon are I tara are I kabwaka iai ke are e nakobuaka.

I reiakinna bwa te kakaaitau e buokira n totokoi kabotauan arora ma tabeman aomata. Tai akanne ngke I aki namakina nakoraoin te mitinare e roko n tai nako ibukina bwa I kangai nakoiu, “I aki karaoa ae tamaroa nakoiia naakekei,” ke “A mwaatai riki n aei nakoiu.” I reiakinna naba bwa ngkana ana banna te Uea n angaanganira katoto aika tamaroa bwa ti na katotong ao n iri, bon ana mwakuri Tatan ni kataia ni kabotauiira ma ngaia bwa e aonga ni kataunariia aron bonganara ke nakoraoira. Ma Tataekina au Euangkerio e matata raoi iaon aei: “Totokoi kabotau nakoia mitinare tabeman ao tai uakora korakoram ma tabeman.”³ N tokina, te kakaitau e buokai n totokoa te kamoamoa, ao e kauringai bwa te Uea bairei Ana mwakuri. I aki riai ni bakantang ibukina bwa raou ni mitinare a tara n nakoraoi riki.⁴

Imwain ae I a tia ni karekea te bitaki n au iango, I a tia n rang ni kabotoa au iango iaon aekakin kakabwaia aika onoti ake Ia tia ni mwaninga ni kateimatoai matau ni kauki nakon ana kawai tabeua te Uea ni kaekai au tataro ao ni kakabwaia ara mwakuri ni mitinare. N tokina, te Uea e waaki ni kakabwaia te mwakuri ni mitinare n ara tabo n aro aika tamaroa aika aki kantaningaaki. Ti kuneia aomata aika a angananoia ni butimwai ara rongorongo, ma I a tia n reiakinna n te tai anne bwa N aki uakora tokanikaiu man aia rinerine tabeman.

Beretitenti Gordon B. Hinckley (1910–2008) e tibwa ana reirei temanna te mition beretitenti n taekan te mwakuri ni mitinare: “Kakaraoa are bon am kabanea n tamaroa. Tataro ao mwakuri korakora ao katuka are te kabanea n rawawata nakon te Uea (n am mwakuri ni mitinare).”⁵ Tataekina au Euangkerio e reirei bwai tabeua ae titebo n nakoraoin te mitinare: “Karaoa am kabanea n tamaroa n uoti tamnei nakon Kristo, ao kakorakorako ukeuke n reirei ao n rikirake.”⁶

N teimatoau n tauraoi nakon te rairannano, n teimatoau ni kona ni kokoaua nakon ana mwakuri te Uea bwa I karaoa au kabanea n tamaroa, I kona n namakina te aki nanououa bwa e nakoraoi arou ni mitinare—n aki taraia bwa a butimwaea ara rongorongo aomata. Ni kawai aika a mwaiti, uakoraan nakoraoin arou ni mitinare e kona ni baireaki man au anganano n rairannano ao au nanomatoa n teimatoa ni mwakuri.

I koroi kakai aika mwaiti i nanon au tienero man te tai aio n au mwakuri ni mitinare. Ngkai I kataia riki ni kakaonimaki ao ni kakaaitau, I karekea te taratara ae tamaroa riki, I totokoi bwarannano, ao I namakina te Tamnei bwa e korakora riki n te mwakuri. I kunea bwa tera are Tataekinna au Euangkerio n reirei e bon koaua: “Ngkana ko a tia ni karaoa am kabanea n tamaroa, ko na kona n namakin aki raunnano, ma ko na aki bononnanoiko. Ko kona n namakina te koaua bwa te Uea e kukurei ngkana ko namakina ana mwakuri te Tamnei n rin i nanom.”⁷ Ao ngkana I namakinna bwa e kukurei te Uea irou, I kona n teimatoa i nanon taian te kataaki.