Te Bwaoki n Tamnei

Tabeua ririki n nako kainabau ao ngai ti karenakoi maange aika tiraua n ana tabo ni maange te kaawa ngke I nora temanna te aine are e mwakuri ikekei n rikoi bwaoki ni karinii n tabo ni kauramaange. E karina n uruaki te bwaoki ao e ukinako, ao tabeua tamnei a mrara.

Ngke I mataku, e roko irou te namakin bwa N na nako n ana te bwaoki n tamnei arei. I kibanako man te ka ao I buoka rikoan taian tamnei. Te aine ao ngai ti uaia n namakinna bwa tamnei akekei a riai n aki karenakoaki, ao I ana nanona bwa e na anganai tamnei akekei bwa N na kataia ni kakaaea temanna are e kan kawakin.

N taratarai tamnei ake a bubua i nanon te bwaoki, I kunea te tinaniku ae koreaki iai aran temanna i Warburg, Alberta, Canada. I nanon ririki ake i mwina, I koroi reta tabeua nakoia aomata ms aia kabanea n ara aika titebo, ma akea te kaeka ae I karekea.

I mwina ngke a reke riniia au utu n te Intanete, I kunea bwa iai te botaki teuana ae kinaki i Warburg. I titirakiniia ngkana iai temanna ae mwakuri ikekei ae kinai ara ake I kunei i akun taian tamnei.

Teuana te namwakaina i mwina ti karekea te tarebon mai iroun te mwaane are e a tia ni kaongoaki man te botaki ae kinaaki. E taku bwa mwaanena ae maeka i rarikira, e titiraki ngkana e kona n nori tamnei. O eng ti kaeka eng.

Te bong are i mwina, Floyd ao Beth Hawthorn, ngaiia uoman bon Aomata aika Itiaki ni Bong Aika Kaitira, e roko n nori tamnei. Ngke I kauka te bwaoki, te Tari Hawthorn e taku, “Eng, arei teuarei, ni kotea te tamnei are mai ieta. Bon tamnein tibun Titita Hawthorn te mwaane.

Ngke a katoai tamnei n tabeki, te Tari ao Titita Hawthorn a tuangiira karakinaia aomata ake inanon taian tamnei akekei. E nanououa te Hawthorns bwa iai rekerekeia ma te aomata are e karenakoi tamnei, ao akea aia iango bwa bukin tera ngkai a karenakoaki tamnei aikai ao a roko n te tabo ni maange.

E korakora au namakin bwa Tamara are i Karawa e buokai ni kaoki tamnei nakoia te utu ae Hawthorn. I kakoaua bwa rongorongon te utu bon teuana te mwakuri ae moan te kakaawaki ae riai ni karaoaki. Ngkana iai nanora ni karaoa te mwakuri, te Uea e na buokiira ni karaoia.