RIKIARA ni Mitinare Ae Kakannato
Ni kabane mitinare, n taai ake rimoa ao n taai aikai, a beku ma te kantaninga bwa ana karaoa te maiu bwa e na nakoraoi riki ibukia aomata tabeman.
Mitinare n te bong aei a reita nako te mwakuri mai irouia ara bakatibu ni kabuta aonaaba n atakin Iehova (tara Itaia 11:9). Mairoun Aberaam nakon Bauro nakon Amon nakon Wilford Woodruff, mitinare inanon booki aika tabu ao rongorongon te Ekaretia a katauraoia mitinare n taai aikai ma banna ni katoto aika korakora.
E ngae ngke ngaira mitinare aika membwa, aika a katauraoi ibukin te mwakuri ni mitinare ae bwanin taina, ni karaoa te mwakuri ni mitinare, ke n oki man te mwakuri ni mitinare, ti kona ni karekea te unganano ao kairi man banna ni katooto aikai.
Rikiara ni Mitinare n te Baibara ao n te Pearl of Great Price
Mitinare n te O Tetemanti, n aron Iona, a weteaki bwa ana taekina te bwana ni kauring nakoia aomata (tara Etekiera 3:17–19). Man ana katoto Iona ti nora kakawakin te rairannano ao te ongotaeka. E reireinira karakinan Aberaam taekan te riki ao mwakan te Nakoanibonga ae te Merekitereka.
Mitinare n te Nu Tetemanti, n aron Betero ao Bauro, a mwakuri ni kateimatoai ana reirei Iesu Kristo. E ngae n anne, n te tai anne ao te aonaaba e mena inanon te tai ni kitanan te koaua. E kaoka te euangkerio te Atua rinanon te Burabeti Ioteba Timiti. Ti a mwakuri ngkai, n aroia mitinare aikanne, ni kateimatoa ao n tibwaua ana reirei Iesu Kristo.
Iona iaon te Bike i Nineveh, iroun Daniel A. Lewis. E rairananona Iona ao e nakonako n tataekina ao ni kamatoa bwa e uea Iehova n tabo ni kabane ao E aki kaonota Ana tangira nakon te aba ae ti teuana ke te aomata ae ti temanna (tara Iona 1–4).
© 2002 Daniel A. Lewis
Betero ao Ioane i mataia Taan Tautaeka i Ierutarem, iroun Simon Vedder. A uotaki Betero ao Ioane nako matan te kauntira, ao e titirakinia te ibonga ae reitata, “Ti kakorakoraira ngkoa ni kauringngkami ba kam na aki reirei n te Ara arei? Ao noria, kam kaona Ierutarem n ami reirei. … Ao Betero … a kaeka ni kangai, E riai riki iran nanon te Atua nakon iran nanoia aomata” (Mwakuri 5:28–29).
Man ana mwamwannano Rongorongon te Ekaretia Miutium
Te Abotoro Bauro, iroun Karel Skreta. N ana mwananga ao ana reta, e kaoti ana koaua te Tia Kamaiu ae mwaaka Bauro ni kabuta Asia Minor ao angiin taabo n te aonaaba aika e atai n te tai anne.
BPK, Berlin / Gemaeldegalerie Alte Meister, Staatliche Kunstsammlungen, Dres / Elke Estel / Hans-Peter Klut / Art Resource, NY
Te Merekitereka E Kakabwaia Abram [Aberam], iroun Walter Rane. Merekitereka e kakabwaia Abram (tara Karikani Bwaai 14:18–20) ao e anganna naba te nakoanibonga (tara D&C 84:14). N te tai teuana, e kaoti te Uea nakon Aberam, ao n tuangnga bwa E na karikia bwa te minita, ao ni katoka iaona Arana nakon aba aika kamimi. E taekinna ngkanne bwa e na riki aei bwa te kakabwaia nakon ana kariki Aberam imwiina, ao bwa a na kateimatoa te mwakuri ao te Nakoanibonga ana kariki ni kabuta te aba (tara Abraham 2:6, 9).
Man ana mwamwannano Rongorongon te Ekaretia Miutium
Ara Bwaibwai ni Mitinare n Ana Boki Moomon
Aramwa, Amureka, natin Motiaea mwaane, ao Tamuera te Reimwanaite ti ngaiia tabeman mai ibuakoia banna ni katoto aika tamaroa mai ibuakoia mitinare aika ti kuneia n Ana Boki Moomon. Ti kunea mai irouia katoto n aron te rairannano, onimaki, ongotaeka, ao te nano ae korakora. Ti kona n aroia, n onimaki iaon te kairi ao kaotioti mai iroun te Atua ni wakin ara mwakuri ni mitinare.
Amon imatan te Uea Ramonaai, iroun Gary L. Kapp. Amon, temanna natin Motiaea te mwaane, e kamaiua ana aomata te Uea Ramonaai. Ngke e titirakinaki Amon iroun te Uea ngkana ngaia ae kanakomaiakaki iroun te Atua, e taku Amon bwa ngaia te aomata ae e weteaki iroun Tamneina ae Tabu bwa e na reirei taekan te euangkerio “nakoia ana aomata [Ramonaai], bwa aonga ni uotaki nakon ataakin ae riai ao ae aki koaua” (Aramwa 18:34).
© Gary L. Kapp, e aki kona ni kaobinaki
E Uoti Rongorongo Aika Raraoi Nakon Tamneiu, iroun Walter Rane. Te anera e kawara Tamuera te Reimwanaite ao ni uoti “rongorongo aika raraoi nakon tamnein [Tamuera]” ni kaineti ma rokon te Tia Kamaiu (Ereman 13:6–7). Ngkai bon iteran ana mwakuri bwa e na kabwarabwara nakoia Nibwaite, Tamuera e tei iaon on kawan Taraemera ao n tibwaua te rongorongo ae raoiroi ma aomata.
Man ana mwamwannano Rongorongon te Ekaretia Miutium
Ara Bwaibwai ni Mitinare n te Doctrine ao Covenants
Imwin Kaokan te euangkerio, a kakawaki mitinare. Mitinare n aron Dan Jones, Orson Hyde, ao Parley P. Pratt a tibwaua rongorongon Ana Boki Moomon ao ana euangkerio Iesu Kristo. Tabeman, n aron Samuel ae tarin te Burabeti Iotebwa, e beku ni kaan ma mwengana. Tabeman a mwananga nakon tabo aika raroa n tibwaua te euangkerio n aron Thailand, te Sandwich Islands (Hawaii), Denmark, ao England.
Mitinare ngkoa aikai aki toki ni karaoa aia mwakuri ni mitinare n ae raka iaon teuana, ao ni karaoi mwakuri ni mitinare aika maan. A kitania aia karo, raoia, buia, natia, ao tibuia n aron ae ti karaoia. A mwakuri kanga banna ni katoto nakoira n te bong aei n ara onimaki, nanora ae korakora, ongotaeka, teimatoa, ao ni mwakuri korakora.
Taan Kabwarabwara n te Moomon, iroun Arnold Friberg, e boboto iaon te oritino iroun Christen Dalsgaard. Te tamnei aei ae tamneia mitinare irouia Aika Itiaki ni Boong Aika Kaitira n taai akekei n reirei taekan ana euangkeiro Iesu Kristo nakon ana utu Danish ake a ikotaki n ni mwengaia bon katotongan te mwakuri ni mitinare n te ka 19 n tienture. A reirei naba mitinare ni konan te kaawa ke ni mwaneaban te taun ni bootaki.
© IRI, ana mwamwannano te Arnold Friberg
Wilford Woodruff E Katauraoi Ibukin Bwabetito i Benbow Farm, iroun Richard A. Murray. Te Uea e kaira Wilford Woodruff n te 1840 nakon ana tabo ni man John Benbow i Herefordshire, England. “Iai te aomata ikekei ae a tia n tataro ni karekea aron barongaan bwaai n taai akekei,” e koroia Wilford. “Mwiina e kangai, te moan tenibui ni bong imwiin rokou ikekei I bwabetitoia onobubua te aomata. … Inanon waniua te namwakaina ni mwakuri n te aba arei I kairiia teuana tenga wanibubua aomata nakon te Ekaretia. Bukin tera? Ibukina bwa iai te aomata ae katauraoaki ibukin te Euangkerio” (“Discourse,” Deseret Weekly, Nobembwa 7, 1896, 643).
Karikirakean Ara Bwaibwai ni Mitinare
Man te tai are e katanoata Beretitenti Thomas S.Monson n te maungatabu ni kabuta n Okitobwa 2012 ae ataeinimwaane ao ataeinnaine a kona n nako ni mitinare n roroia ae uarereke riki, tebwina tengaa Aika Itiaki ni Boong Aika Kaitira aika a tia n riki bwa mitinare.
N te maungatabu ni kabuta are e karaoaki n Eberi 2013, Unimwaane Neil L. Andersen man te Kooram n Abotoro n te Tengaun ma Uoman e taekina ana koaua iaon te mwakuri ni mitinare ao ni kaungaira n tatabemanira bwa ti na riki bwa mwakoron te kakai ae tabe n rikirake n ibuobuoki ni kakaia aomata aika a tauraoi ni kan ongora taekan te euangkerio: “N aron ae e a tia te Uea ni kaungaia mitinare riki aika mwaiti bwa ana nako ni karaoa te beku. E kauki naba aia iango ao ni kauki nanoia riki aomata aika tamaroa ao a kokoaua bwa ana karekei Ana mitinare. Ko a kaman kinaia ke ko na kinaia n taai aika ana roko. A mena n am utu ao ni maeka irarikim. A nakonako irarikim inanon te kaawa, e tekateka irarikim n te reirei, ao n reitaki ma ngkoe iaon te rain” (“It’s a Miracle,” Liahona, Meei 2013, 78).
Mitinare aika tibwa roko a bwabetitoia kaain te aba ae Sandwich Islands (Hawaii) ni moan te ririki 1851. Te tamnei aei e raweaki imwiina riki (imwiin 1851).
E na aki kaobinaki
Tibwuakan te Euangkerio inanon te Kaawa, by Ken Spencer. Mitinare aika uoman aikai a tibwaua te euangkerio ma te mwane imatan te titoa ni boki i New Brunswick, New Jersey, USA.
Man ana mwamwannano Rongorongon te Ekaretia Miutium
Mitinare n Tainako, iroun Juei Ing Chen. Kaain te Ekaretia n Taiwan, n aroia mitinare n tabo ni kabane, a ukoukoria n tibwaua kimwareireia n te euangkerio ao ni booki aika tabu. A toka booki aika tabu iaon te taibora, ao te kaontaina ae rietata man buru e tau beeban tamnein te Taipei Taiwan Tembora.
© IRI, ana mwamwannano Juei Ing Chen
Ana Rikirake Reimwanaite n Ai Aron te Roti, iroun Joselito Jesus Acevedo Garcia. Te tamnei aei e kaota kateia ao te namakin ae irekereke ma te mwakuri ni mitinare ibuakoia aomata aika a taetae n Spanish. Uoman mitinare aika a katauraoi bwa ana reirei te euangkerio ngkai aomata a kakoroi nanon ai mwakuri ni katoabong. Te Lima Peru Tembora, e tekateka i nukan mwenga ao aia man kaain te tabo anne, e tei ibukin rikiraken te Ekaretia.
Man ana mwamwannano Rongorongon te Ekaretia Miutium
Mitinare Aika Itiaki Ni Boong Aika Kaitira i Sierra Leone, iroun Emile Wilson. Te moan ni mition i Sierra Leone e kateaki Freetown n Turai 1, 2007. E riki Freetown bwa te ka 3,000 n titeiki n te Ekaretia n Ritembwa 2, 2012.
Man ana mwamwannano Rongorongon te Ekaretia Miutium