Ana Bwaintangira Jen

I karaoi rinanin rinerine aika a kairua n au kauoua n ririki n te reirei ni kauarinan. Rinerine akanne a kairai nakon baika iai mwiia aika aki kakurei, ao I baireia ni kabongana au motirawa n te tiamwa ni moana karaoan taian bitaki. Ngke e a manga teirake te reirei, I kana au katawanou itinanikun te roki ke te kawai n rin ae akea kaaina n totokoa te reitaki ae aki tamaroa are e tataninga butimaean okiu.

I tuai man namakina te maroaa ae e rang ni korakora.

Ngkanne te Atua e anganai te bwaintangira. E anganai Jen. E aki motika taekau ibukin au kairua ma n oneanmwiina e kaungaai bwa N na teimatoa ni waki nako i nanon te kawai ae eti. N atakina bwa e na mena n te reirei e buokai n reitanako au wareware ni koroboki aika tabu ao ni nabeakina au koaua. Ngke e a roko te tai n angabeeba, I kakouai i bon irou bwa I a motinnanoia bwa N na bitaki.

I miimi n tabetai bwa N na mena iaa n te bong aei ngke arona bwa e aki buokai Jen. N na kona n tiku i aon au koaua ngke akea ngaia? Tekeraoiu, N na bon aki ataia ibukina bwa e mena ikekei ma nanona ni koaua, n tauraoi ao n anga nanona ni kan buokai.