N Tou Mwiin Mwanekana

Tamnei

Christ walking with sheep in the background.

Booki aika tabu a kaungaira n riki n aiaron Iesu Kristo ao “e na nakonako, n te aro are E nakonako iai Teuarei” (1 Ioane 2:6). Ma a anaakin te moan mwaneka anne e kona ni kaangaanga—ai moarara riki ngkana ko aki ataia bwa ko na kanga ni moanna.

Ko na kunea te buoka inanon Preach My Gospel: A Guide to Missionary Service (Tataekina Au Euangkerio: Te Kairi nakon aia Mwakuri Mitinare). Ko kona n iangoia bwa ti te aeniboki ibukiia mitinare aika bwanin aia tai, ma bon te bwai ni mwakuri ae korakora are e kona ni buokiko ni moana am kouru n riki bwa aiaron te Tia Kamaiu. Mwakoro 6 e bon karaoaki bwa e na buokiko n oota ao ni karaoi anuan Kristo aika ruaiwa.

Aikai tabeua kario ibukin aron kamanenaana Preach My Gospel: (Tataekina Au Euangkerio) ao booki aika tabu ngkai ko kakaea karikirakean anuan Kristo:

• Ni moanna, nako nakon te Attribute Activity ni banen mwakoro 6 inanon Preach My Gospel: A Guide to Missionary Service (Tataekinan Au Euangkerio) (iteraniba 126). Te mwakuri aio e kona ni buokiko ni baireia bwa anua raa aika korakoran tamneim ngkai ao a angara ake ko kainnanoi ni mwakuriia.

• Imwiin banen am mwakuri, tataroakinna n rinea te anua are ko na kabanea am tai iaona. Iangoa warekan te tiekition inanon mwakoro 6 ibukin te anua anne.

• Katei kouru aika onoti ma ni kona n ataaki bwa a mwakuri ke a aki are a na buokiko ni karikirakea te anua aio. Karekea am tai are ko na mwakuria am kouru. Imwiina taraia bwa e uara am waaki. Ibukin te katooto, ngkana ko kataia ni bwabwaina te tangira, ko kona ni katea am kouru n taekin bwaai aika a tamaroa ibukin tarim ke mwanem teniua te tai ni katoabong inanon te wiki. Ni banen te wiki, ko kona n taraia bwa ko kanga ni mwakuri ma am kouru ao ni karaoi bitaki ake a na buokiko n reitanako te rikirake.

• Preach My Gospel: (Tataekina Au Euangkerio) e katauraoi koroboki aika tabu ni kamatebwai anua nako. Ko kona ni kamatebwai booki aika tabu ake a karinanaki ao ni koroi bwaai ake ko namakin ngke ko warekia.

• Butia te Tama are i Karawa ibukin te buoka ni karikirakea katein te Kristo. Butiia ibukin buoka aika onoti n aron ae, “Taiaoka anganai te korakora ni kona ni kaitara uniu ngkana tariu ma mwaneu a anai au bwai.” Am tataro aika onoti riki, e na bebete riki ibukim ni kina ana kaeka te Uea.

N riki n aiaron ara Tia Kamaiu, Iesu Kristo, bon te mwakuri ae karaurau ao man maan karekeana. N tabetai e na kona n taraa ni kaangaanga riki nakon te physics ae ngkai ae matoatoa. Ma tai bwarannano. Te Uea e berita nakoira “bwa are mai iroun te Atua bon te ota, e na karekea riki te ota; ao te ota anne e rikirake n ota man ota ni karokoa te bong ae kororaoi. (tara D&C 50:24). Ngkai ti karekea, kamatebwaia, ao ni kammwakura te ota ao te koaua ao n reitinako n ira te Atua ni katoabong, ti kona ni koaua bwa ti na riki n aiaron riki ara Tia Kamaiu, Iesu Kristo.