Iango Ibukin Botakin te Utu n te Tairiki

“N riki bwa te Mitinare N Taetaekina Au Euangkerio,” iteraniba 46: Iangoia ni maroroakinna n aron ae te utu nimaua katei ibukiia Mitinare N Taetaekina Au Euangkerio. Ngkanne iangoia ni kataneiai i aon reirei aikai. Ko kona ni manga rinanon mwakoron Taetaekina Au Euangkerio ni kabane ao n anganiia aia tai kaain te utu aika a kakaokoro ni kataneiai n angareirei i aon mwakoron reirei ni mitinare ngkai tabeman utu a baka n riki bwa taan tia kakaei. Ko kona naba ni maroroakin kakaewenako ibukin te mwakuri ni mitinare ao n iangoi kawai ni karikirakei katei aika a kabwarabwaraki iroun Unimwaane David A. Bednar.

“Kakorakorako, Kamarurungko, Kawanawanako,” iteraniba 52: I mwin manga rinanoan ana rongorongo Unimwaane Adrián Ochoa, iangoa bairean te waki ni kakukurei are e na kona ni karikiia kaain am utu bwa a na rangin kakamwakuri n te maiu n rabwata ni kabane. Ko kona n takakaro n te takakaro ke n nakonako. Kakoaua bwa ko na karaoa am waki ni kakukurei nakon aia ririki ao aia konabwai kaain am utu (ko kona ni butiia natim aika a ikawai ni buokiia aika a uarereke ni katia te waki, n aron te katoto). I mwin am waki ni kakukurei maroroakin kakawakin anua ni maiu n rabwata aika a kakamwakuri. Ko na bae naba ni bairei kawai n reitanako te mwakuri n irii aia reirei ara burabeti aika a maiu n tararuai rabwatara.