Ko e hā ʻoku totonu ke u fai kapau ʻoku fehuʻia ʻe haʻaku fāmili mo ha ngaahi kaungāmeʻa ofi e Siasí pea nau hē atu?
Kapau ʻoku kamata ke fehuʻia ʻe ha kāinga ofi kiate koe pe ʻoku moʻoni e Siasí, ʻofa ʻiate kinautolu pea ke ke mālohi. ʻI he taimi ʻoku nau talanoa ai mo koe fekauʻaki mo e Siasí, tokanga ki heʻenau ngaahi ongó kae ʻoua ʻe feinga ke fakamoʻoniʻi ʻokú ke moʻoni. ʻOua naʻá ke ʻai ke nau ongoʻi mā ʻi heʻenau ngaahi veiveiuá pe ngaahi fehuʻí. ʻOua naʻá ke fakafōtunga ʻohovale pe loto mamahi, ʻo tatau ai pē kapau ʻokú ke ongoʻi pehē. Kapau ʻe lava, talanoa fiemālie kiate kinautolu fekauʻaki mo ʻenau ngaahi fehuʻí pea feinga ke tokoniʻi kinautolu ke maʻu ʻenau ngaahi talí, peá ke kei piki ki he tuí, mo e fakamoʻoni ʻoku nau maʻú (ke tokoni, vaka lds.org/go/91763).
Kapau ʻoku ʻikai toe fie kau ha taha ki he Siasí, ʻoku ʻikai fie maʻu ke fakangata ai hoʻomo vaá. ʻOfa ʻiate kinautolu, angaʻofa kiate kinautolu, pea lotua kinautolu. Kapau ʻoku ʻikai ke mou toe kau fakataha ki he Siasí pea mo e ongoongoleleí, puke maʻu ʻa e meʻa ʻoku mou fevahevaheʻakí. Tuku ke nau ʻiloʻi ʻokú ke tokanga ange kiate kinautolu, kae ʻikai ko ʻenau kaunga pē mo e Siasí. Kae ʻoua naʻa tuku foki ai hoʻo ngaahi taumuʻa fakalaumālié. Feinga ke hiki hake kinautolu, kae ʻoua naʻa tuku ke nau ʻohifo ai koe.