Kakai ʻi he Hisitōlia ʻo e Siasí
Ko e Ngaahi Tokoua Fineʻofá mo e Temipale Nāvuú
Fakaʻaongaʻi ʻa e ngaahi fakatātā ko ʻení ke vahevahe ʻa e ngaahi talanoa ki he hisitōlia ʻo e Siasí!
Na‘e nofo ʻa e niʻihi ʻo e fuofua Kāingalotú ʻi ha feituʻu naʻa nau ui ko Nāvū. Naʻa nau ngāue mālohi ke fakamaʻa ʻa e fonua anó mo langa honau ngaahi ʻapí. Naʻa nau langa foki ʻa e Temipale Nāvuú! Ne tutuʻu mo toho ʻe he kau tangatá e ngaahi maká. Ko e kakai fefiné ne nau feimeʻatokoni, tuitui e vala maʻá e kau ngāué, pea mo tānaki sēniti ke fakatau ʻaki ʻa e ngaahi nāunaú. Naʻe fokotuʻu ʻa e Fineʻofá pea ne hoko ʻa ʻEma Sāmita ko e fuofua palesitení. Lolotonga e taimi ko ʻení, ne fakataha mai ha kau mēmipa foʻou ʻo e Siasí ki Nāvū mei he funga ʻo e māmaní. Ne lue ʻa Sēini Maningi ʻi ha maile ʻe 800 (1,290 km) mei Niu ʻIoke ke kau fakataha mo e Kāingalotú!