Sauni e Fesoasoani!

Talofa, o lou igoa o Arona, mai Peretania Kolomupia, i Kanata. Ou te taumafai e faasusulu atu lou malamalama, e ala lea i lou saunia e fesoasoani! Afai e i ai se mea e manaomia ona fai, ua ou sauni!

O lou tama e sau mai Hong Kong, ma o lou tina e sau mai Guangxi, i Saina. Ou te tautala i gagana e tolu—faaKenitonisia, faaMeniterini, ma le Igilisi. I lau paranesi, matou te tautatala faaKenitonisia ma le faaMeniterini i le sauniga faamanatuga, ona matou faatasi lea ma le paranesi e tautatala i le Igilisi mo le Peraimeri.

I Aso Sa taitasi ou te fesoasoani i faifeautalai e tufa atu le polokalama. Ou te faamautinoa ua maua e tagata taitasi le polokalama. Afai e leai se tusipese a se tasi, ou te avatu i ai se pese ina ina mafai ona latou pepese.

O nisi o taimi e fai gaoioiga i le falesa, ma e masani ona ou nofo e fesoasoani e teu nofoa ma laulau. A fai la matou polokalama o le faamanatuga a le Peraimeri, ou te fiafia e fai lau pepa.

Ua ou fiafia e alu i le misiona i se aso. Sa fai mai lou faiaoga o le Peraimeri e mafai ona matou faaputu se tupe i le taimi nei. O lea sa ou faaputu ai se tupe mo lau misiona i lau pusa tupe (piggy bank).

Ou te iloa le taua tele o le tatalo. A o matou nonofo ma lou tamamatua ma lou tuafafine a o toesea ou matua mai le taulaga, sa ou faamautinoaina ua faia pea lava pea a matou tatalo.