Ua Taunuu Lau Miti

Sa ou fanau i Hong Kong Saina. Ao o’u talavou, sa ou moemiti ua nofo i se atunuu matagofie e siomia e le natura.

Ina ua ou matua ma faaipoipo, ma na siitia atu ma lou toalua i Ausetalia. O ia o se inisinia talenia ma na maua ai se visa faigaluega, lea na faatagaina i maua e nonofo i Ausetalia mo le fa tausaga. Ina ua ma faigaluega uma, na ma mauaina se isi faaopoopoga o le visa e fa-tausaga.

I lenei taimi, na ma galulue e faaleleia lo ma tulaga ina ia mafai ona ma talosaga mo se nofomau. Ma te lei mafai ona totogi vasega mo le Igilisi, ae na fesoasoani mai se tuagane ma se uso ia i maua e aoao. I le faaiuga o le valu tausaga, na foliga mai pea, sa tatau ona ma tuua Ausetalia. Na ma anapopogi ma tatalo ia maua se ala e nonofo ai. Na anapopogi ma tatalo foi la matou uarota mo i maua.

Ua foliga mai ua leai so ma faamoemoe. Na ma amata ona teu ato ma faia fuafuaga mo lo ma toe foi atu i Hong Kong. I se tasi po sa valaau mai ai se uo ma fesili mai e uiga i o ma visa. Na ma faamatala atu lo ma tulaga na sa ia tau mai ia i maua na te iloaina se ofisa e fesoasoani i femalagaaiga e ono mafai ona fesoasoani.

O le aso na sosoo ai, sa ma feiloai ai ma le ofisa. Na vave lava ona ia faafilemuina o ma mafaufau. O le a ia auina atu pepa mo se faaopoopoga i se isi visa—o se visa nofomau lena o le a manaomia ai lo ma siitia atu mai Sini i nuutua.

Sa ma siitia atu i se aai e pea ma le tasi ma le afa itula i matu o Sini. Na ma maua se fale e latalata i se falelotu, e siomia e le togavao lauusiusi o Ausetalia. Na ma fiafia i lo ma fale fou ma le uarota.

Na vave lava ona tuuina mai ia i maua ni visa le tumau. Na ma faaauau ma lou toalua ona tatalo. Na ia anapogi i aso Sa taitasi mo le ono masina. Na ma faitau i tusitusiga paia i aso uma ma auai i le malumalu i vaiaso taitasi.

Ona ma maua lea i se tasi aso se valaau mai le ofisa e fesoasoani i femalagaaiga. Ua tatau ona ma toe foi atu i Sini ma tuuina atu o ma tusifolau. Na toe tuuina mai ia i maua ua faailogaina i se faamaoniga mo le nofomau. Na ma faafetai i le Tama Faalelagi mo lenei faamanuiaga. Na i ai lo ma faatuatua o le a tali mai a ma tatalo, ma na tali mai. Ma na taunuu lau miti ua nofo i se atunuu e siomia e le natura.