O Ata o le Faatuatua
Christian Karlsson
Buskerud, Nouei
Ina ua maua e Christian api o talaaga a lona tamamatua, e lei i ai sona manatu o le a taua tele ia te ia ma lona aiga.
Cody Bell, pueata
Na tuu mai e lou tina ia te au se pusa o ata tuai. O se tasi o mea ofoofogia i lenei pusa o le api o talaaga a lou tamamatua. O le tele o tusiga na pupuu ma tuusao ma aofia ai ni mea faigofie e pei o kesi, fai, po o ia.
Faatasi ai ma ana api o talaaga, o le mea silisili ona taua o faamaumauga ma le faaeteete o lauga na tuuina atu e tamamatua i le lotu.
I le mavae ai o le sailiiliga mo ni tausaga, na auai loa Tamamatua i le Ekalesia. Na ia auauna atu ma le faatuatua ma na faamaoni ma tumu i le amiosao. Ae lei i ai ni siteki i Nouei, na ia auauna atu o se fesoasoani i le au peresitene o Alii Talavou mo Nouei atoa lava. Na ia auauna atu o se fesoasoani i le au peresitene o le Malumalu o Stockholm Suetena seia maliu i le 1986.
Na amata ona tafafao faamasani ou matua matutua ae lei auai Tamamatua i le Ekalesia. Na tau atu e Tinamatua ia te ia e le avanoa o ia i aso Sa ma nai isi afiafi o le vaiaso. I le taimi muamua na ia mafaufau ai e tafao faamasani i se isi ona sa pisi tele o ia [Tinamatua]. Na iu lava ina ia faamatala atu, “Ou te auai i se lotu e te lei faalogo lava i ai.”
Na vave lava ona tali atu Tamamatua, ”Oi o lona uiga o Le Ekalesia a Iesu Keriso o le Au Paia o Aso e Gata Ai?” Na faateia Tinamatua—na ia manatu sa ia suesue nana e uiga ia te ia! Ae sa faalogo muamua o ia i le Ekalesia.
I le 19 o ona tausaga, na fesiligia ai Tamamatua e fesoasoani i le tusigaigoa ona o lona tomai i le tusitusi. Ina ua ia fesili i se fafine mo lana lotu na ia fai mai, “O au o se tagata O Le Ekalesia a Iesu Keriso o le Au Paia o Aso e Gata Ai.“ O se igoa lea na sili le umi ua ia faalogo i ai. Na ia manatua pea lena igoa. Ina ua tau atu e Tinamatua ia te ia faapea o ia e auai i se lotu atonu na te le iloaina, na i ai lava le igoa i lona mafaufau.
I ana lauga, na faasoa atu ai e Tamamatua ona manatu ma lagona ma faigata na ia feagai i le sailiiliga i le Ekalesia. Na ia manaomia le faalotomaualaloina o ia lava e tatalo e uiga i le auai i le Ekalesia. Sa ia mauaina se tali ma faatinoina loa.
E ofoofogia le faasoa atu o tala na tusia e Tamamatua lava ia i lou toalua ma le fanau. Latou te lei feiloai lava ia te ia, ae o ana upu ua oo atu ia i latou i le 30 tausaga talu ona maliu o ia.
Ua olioli le au Karlsson i se taaloga e taua o le “Filifili a le Aiga.” Ina ia taaalo, e tutu uma tagata i se lio ma uu lima ao le tagata e toatasi, e taua o le “Tagata Sosoo,” e tuua le potu. E fesuiai e tagata uma i le lio a latou nofoaga e aunoa ma le momotuina o o latou lima. Ona tatala lea e le “tagata sosoo” le filifili a le aiga.
O Elisabeth (taumatau), Mia (ogatotonu), ma Mats (agavale) o loo taoina ni falaoa e fai i le aiga.
O Mikkel ma Mia o feopoai i le uma ai o le gaoioiga o le afiafi faaleaiga. O le faaalu o le taimi faatasi ua fatuina ai ni sootaga malolosi i le aiga o Karlsson.
O Christian ma lana fanau o loo matamata i ata o le aiga. E faafetai Christian mo le avanoa ua ia maua e fesootai ai lana fanau i ona tuaa.
O loo taitai e Mia lona aiga i se tafaoga i se vao o laau i lo latou nuu.
Ua aumaia e le tulaga faamatua le olioli ia Christian ma Elisabeth.
Ua afe le au Karlsson i se malae taalo. O tupulaga a Mat (taumatau) i luga o laau o paina ao talanoa atu i ona uso o Magnus (agavale) ma Mikkel (ogatotonu).
O Mia o loo tietie i tauau o lona tama ao foi atu le aiga i le fale.