Otan te Euangkerio n te Koaua ao te Tangira

Ana anene te Ekaretia ae “Hark, All Ye Nations!” n akea te nanokokoraki e kaota te ingainga n nano ao te kukurei ni bwaninin te euangkerio are e butanako nakon te aonnaba. N te anene aio ti anene:

Louise F. Monch, te tia otea te anene ae rinako taekana, bon te I-Tiaman ae rairaki ae korei kibun anene aikai ngke e maeka i Switzeland inanon ana tai ni mitinare ae bwanin.² Te kukurei ae otirake man kakoauaan rotakin te aonaaba ae bwanin ni kaokan te Euangkerio e ota raoi tomakina n taekan te anene:

Te kaitau ni moanakin Kaokakin te euangkerio ae reitinako 200 te ririki n nako,“otan te euangkerio n te koaua ao te tangira”⁴ e ootamwaaka ni kabuta te aonnaba. E reiakinna te burabeti ae Iotebwa Timiti inanon 1820, ao mirion riki aika tia n reiakinna, bwa te Atua“e anganiia aomata ni kabaneia n aki ngurengureakinia.”⁵

Tabeua te tai imwiin kateakin te Ekaretia n tokin boong akai, E taetae te Uea nakon Iotebwa Timiti ao ni kaota Ana tangira ae bati ibukira ngke E kangai:

“Mangaia ae, Ngai te Uea, atakin te kangaanga are e na roko i aoia kaain te aonaaba, I wetea au tia mwakuri Iotebwa Timiti te Ataei, ao n taetae nakoina mai karawa, ao n anganna tua; …

“Bwa au berita ae tabu ae akea tokina e na kamatoaaki;

“Bwa bwaninin au euangkerio e na taekinaki irouia aika mamaara ao aika mangori nakon tokin te aonnaba.”⁶

N te tai ae waetata imwiin te kaotioti aio, a moanna ni weteaki mitinare ao ni kanakoaki nakon aaba aika mwaiti n te aonnaba. N aron are kaantaningaia Nibwaai, te rongorongo n te euangkerio ae kaokaki e a moanaki taekinana “ n aban reeti, neewe, ma aomata nako.”⁷

“ Ana Ekaretia Iesu Kristo ibukiia aika Itiaki ni Boong aika Kaitira e moan kateaki n te auti te kai ni mwakoron New York mai meang inanon 1830

“E kabanea 117 te ririki—ni karokoa 1947—ibukin te Ekaretia n rikirake man te mwaaiti ae onoman membwa nakon teuana te mirion. Mitinare bon rabwatan te Ekaretia ni moan teina, e buti nako abaia Kaain Amerika ni koaua, nako Kanata ao, inanon1837 nako aban Amerika Meang nako England. N te tai ae aki maan imwiina, mitinare a mwakuri n aonon Eurobe ao n raroa nako n aron Inria ao Abamwakoron te Betebeke.

“Te mwaiti ae uoua te mirion e koro n te 16 te ririki imwiina, inanon 1963 ao te mwaiti ae teniua te mirion ni waniua riki te ririki.”⁸

Ni kaotan butimwaakan te Ekaretia, Beretitenti Russel M. Nelson e taku: “N te bong aei, ana mwakuri te Uea inanon Ana Ekaretia Iesu Kristo ibukiia Aika Itiaki ni Boong aika Kaitira e tabe ni kekerake n te aro ae birimwaaka. A na akea kabotauan te Ekaretia, nakon taai aika a na roko.”⁹

Kaokan bwaninin ana euangkerio Iesu Kristo, manga kateakin ana Ekaretia te Uea ae maiu iaon te aba, ao rikirakena ae kamimi ma ngkekei a tia ni karika reken te kakabwaia n te nakoanibonga ni katobibia te aonnaba. Otenanti ao berita aika tabu are a bautira nakon te Atua ao ni kateira iaon kawain te berita e kaota raoi “te mwaaka n atua.”¹⁰ Ngkana ti karaoi otenanti aika tabu aikai ibukiia aika maiu ao aika mate, ti ikotiia Iteraera ni iteran te rabuna aika uoua ao ni katauraoa te aonaaba ibukin Kauaokin te Tia Kamaiu.

Inanon Eberi 1973 au utu ao ngai ti mwananga man abara ae Argentina bwa ti na kabaeaki n te tembora. Ibukina bwa akea te tembora iaon Latin America n te tai anne, ti kiba n ae raka iaon 6,000 tengaa te maire (9,700 km) n nako ao n oki bwa ti na kabaeaki n te Salt Lake City Tembora. E ngae ngke ai tibwa uoua au ririki n te tai anne ao n aki uringa taekan te bwai ae onoti kakawakina, teniua tamnei aika rang mataata n te mwananga anne aika tiku n au iango ni karokoa ngkai.

Tamnei

Mamataku man wintoon te wanikiba

Te Moan, I uringa ae I katukaki ni kaniia wintoon te waanikiba ao n noori nang aika mainaina inano.

Taian nang aika tikiraoi, naang aika itiaki a tiku n au n iango bwa kanga taian booro bwaubwau aika bubura.

Teuana riki te tamnei are tiku inanon au iango bon aomata tabeman aika a kangare taraakiia n te tabo ni kakukurei i Los Angeles. Aomata aika kakangare aikai a kangaanga mwanuokinaia.

Ma ae rang korakora riki bonganana bon te tamnei ae rangi n oota ao n aki kona ni mwanuokinaki:

Tamnei

Te ruu ni kabaebae i Salt Lake Tembora

I rang uringa raoi menau n te ruu ae tabu n te Salt Lake Tembora are a kakabaeaki iai taanga ao utu ibukin te maiu ae akea tokina. I uringa te baonikarea n tembora ae tikiraoi ao n uringa te oota ae rang n raneanea rinanon winton te ruu are mai tinaniku. I namakinna ngkoa, ao n reitinako n namakina, te aabuee, te kamanoaki, ao te karau nano n otan te euangkerio n te koaua ao te tangira.

Aekan namakin akanne a kamatoaki i nanou 20 te ririki imwiina, ngke I a rin n te tembora bwa N na kabaeaki teuana riki te tai—n te tai aio ma au kainrou ao I kabaeaki ibukin te maiu ae akea tokina. E ngae n anne, n te bwai ae e karaoaki aei, ti aki kainnanoa te mwananga te ngaa te maire ibukina bwa te Buenos Aires Argentina Temple e a kaman tia ni kateaki ao ni katabuaki ao e rangi ni kaan n te buti n te kaa man mweengara.

Tamnei

Te utu ae Walker

Uabwi ma uoua te ririki imwiin mareakira ao ni kabaeaki, ti karekea te kakabwaia n okira te tembora are ti mareaki ngkoa iai, ma n te tai aio ma natira te aine ae tikiraoi, ao ti a kabaeaki bwa utu ibukin te maiu ae akea tokina.

Ngkai I ururing rikaaki iaon bwaai aika a tabu akanne inanon maiu, I a tia ni kaonaki n te kukurei ae matoatoa ae akea tokina. I a tia n namakina ao n reitinako n namakina ana nanoanga Tamara are i Karawa, are E atai kainnanora n tatabemaniira ao bwaai ake ti tangiri.

Ngke e taetae ibukin ikoikotaia Iteraera ni boong aika kaitira. “E taku te Uea ae Iehova: N na karina au tua inanoia, ao N na koroia i nanoia; ao N na riki bwa Atuaia, ao a na riki bwa au aomata.”¹¹ I namakinna n aki toki ma te kakaitau bwa man uarerekeu ana tua te Uea a moanaki koreakiia inanou rinanon otenanti aika tabu n Ana auti ae tabu. E bongana bwa e na ataaki bwa te Atua bon Atuara, bwa ngaira ana aomata ao tao teraa bwaai ake a katobibira, ngkana ti kakaonimaki n ongeaba nakon berita ake ti karaoi, ti kona ni mwaneaki n aki toki ni baina n tangira.”¹²

Inanon aia tai aine n aia tetere n te maungatabu ni kabuta n Okitobwa 2019, e taku Beretitenti Nelson, “Ara konabwai n ara mwakuri ni ibuobuoki nakoia tabeman, n taekina te euangkerio, ni kakororaoia aika Itiaki, ao ni kamaiuia maate a bane n riki n te tembora.”¹³

Inanon tain naba te maungatabu ni kabuta, Beretitenti Nelson e reirei: “Eang, ae moan te kakaawaki ni Kaokan Bwaai bon te tembora are tabu. Ana otenanti aika tabu ao berita aika tabu a rangi ni kakawaki n katauraoaia aomata ake a na tauraoi ni butimwaea te Tia Kamaiu ni Kauaokina.”¹⁴

Kaokakin Bwaai ae wakinako e kanikinaeaki ni katean ao katabuan taian tembora ae rikirake mwaitina. Ngkai ti ikoikoti ni iteran rooki aika uoua, ngkai ti anga nanora ni beku ao ni karaoa te tembora bwa te bwai ae kakawaki inanon maiura, te Uea e kateira ni koaua—E kateia Ana aomata n te berita.

I kakoauaa bwa otan te euangkerio n te koaua ao n te tangira e oota mwaaka inanon te aonnaba n te bong aei. Te “mwakuri ae kamimii man moan te kamimi” e a kaman taekinaki iroun Itaia¹⁶ ao e nooraki iroun Nibwaai¹⁷ e a karaoaki n te aro ae katawe ibon inanon taai ni kangaanga aikai. Ngke e taetae ni burabeti Iotebwa Timiti, “Buraekin te koaua e a tia ni kateaki; akea te bai ae konaa ni katoka wakin te mwakuri … ni karokoa ana mwakuri te Atua e na katiaaki, ao Iehova ae Korakora e na kangai e a tia te mwakuri.”¹⁸

Tariu ao mwaneu, ti na motiki nanora ao ni baireia n te bong aei ni katabeira ao ara utu n ongora bwaanan karawa, are bon bwanaan ara Tia Kamaiu. Ti na karaoa ao ni kawakin berita ma te Atua, are e na kamanoira ni kamatoaira n te kawai are e na kairira n oki nako Matana, ao ti na kukurei inanon taian kakabwaia n te oota ae mimitong ao koaua n Ana euangkerio. N aran Iesu Kristo, amen.