Unimwaane S. Mark Palmer

E kakaitau Unimwaane S. Mark Palmer ibukin te kimwareirei ao te kantaninga are e reke n te mwakuri ao taian otenanti n te tembora. Nakoana bwa e na beku ni katoa wiki n te Dallas Texas Tembora ma kainnabana, Jacqueline, i nanon te tai are e bati iai tabeia e bon buoka Unimwaane Palmer bwa e na moanibwai baika kakaawaki irouna. Te beku i nanon te tembora e reireia te anganano, babaire, ao te kabaeranti ao e buokia n uringa ana berita ae tabu ao n riki bwa te kaiinaba ao te karo ae tamaroa riki. Te beku n te tembora e kauringnga aron te utu ae akea tokina ao te manga kaitiboaki n te tai ae na roko ma naake a tia ni bua, n ikotaki ma mwanena are e mate ngke teuana ana ririki.

Te beku n te tembora e buoka naba Unimwaane Palmer ni katauraoi ibukin nakoa n te nakoanibonga, n ikotaki ma kaainakin te Beretitentii n te Itingaun. Unimwaane Palmer, are kamatoaki n Eberi 3, 2021, e waakina tibwangana ae boou n Aokati 1, 2021.

E bungiaki Stanley Mark Palmer ni Beberuare 11, 1956, n te Te Puke, Bay of Plenty, Nu Tiran, ana karo Kenneth ao tinana Jill Palmer. A kaaina te Ekaretia ana utu ngke e uarereke.

Imwin ana mitinare i New Zealand Wellington Mition, e karekea ana tikuri n te commerce n te University of Auckland i nanon 1979 ao ana matita n te business administration man Brigham Young University i nanon 1982. Ngke e maeka i Provo, Utah, USA, e kaitibo ma te ataeinnaine ae tibwa oki ni mitinare ae arna Jacqueline Wood. A mare i nanon 1981 n te Salt Lake Temple. Iai 6 natiia ao 16 tibuia.

Unimwaane Palmer bon te beretitenti n te SMP Ventures, te kabwana ni karikirake are e kateia i Austin, Texas, USA. E a tia ni beku bwa te bitiobi, beretitenti n te titeiki, beretitenti n te Washington Spokane Mition (2009–12), beretitenti n te Australia Sydney South Mition (2014), ao te Itingaun n te Aono.

E kamatoaki bwa te Mataniwii ni Kabuta n te Itingaun n Eberi 2, 2016, ao e beku bwa te beretitenti n Aonon Aberika Maiaki.