2021
Mwakuri ni Buoka A Uota te Ibuobuoki
Meei 2021

Mwakuri ni Buoka A Uota te Ibuobuoki

E a tia te Ekaretia n reitinako ni buookia naake a kainnano n te aonaaba ao ni anga te buoka nakoia aomata n taai ni kangaanga.

Te kabanea ni bubura ni buokoa are e anga te Ekaretia, Latter-day Saint Charities (boton ana buoka te Ekaretia) e a tia ni buokiia aomata aika mwaiti i nanon te butinaoraki ae COVID-19, e anga te mwane ao bwaai ibukin buokan totokoan ao katokan te aoraki aei. E a tia naba te mwakuri aei n anga bwai ao te reirei nakoia taan mwakuri n te kuakua, n raonaki ma te kairi n anga te boutoka nakon marurungin te rabwata, iango, ma te namakin.

Ana tabo ni karo tiin ao amwarake te Ekaretia e tia ni mwakuri n anga te ibuobuoki are kainnanoaki, e karaoi bwaai ao amwarake ake a kainnanoaki irouia taan kairiiri n te Ekaretia, rabwata n taian kaawa, rabwata n reirei, taabo ni kawakin amwarake, ao rabwata riki tabeua ake a ikarekebai ma te Ekaretia, rabwata ake a inaomata n aba nako, ao kurubu aika anganga te buoka. Ni karokoa ngkai, Latter-day Saint Charities e a tia n buoka 1,050 COVID-19 waaki ni karikirake n aaba aika 152.

Imwin te maungatabu ni kabuta ae nako, Latter-day Saint Charities ao taan kairiri n te aba ao n te tabo n te Ekaretia a tia n:

  • Bairei Buoka irouia taan anganano ao mwakuri n ibuobuoki n tain te angibuaka are orea U.S. Gulf Coast mai maiakimainiuku Texas nako Florida.

  • Mwakuri ma rabwata ao e uaia ni babaire ma taan kairiiri n te Ekaretia n oin aia kaawa n anga te buoka imwiin te angibuaka are e orea Biribin. Abwi tabo n taromauri are a riki bwa tabo ni kamanomano.

  • Buokiia aomata n te kangaanga n te uarareke are a reke iai 23 titeiki i California, Idaho, Oregon, ao Washington, USA.

  • Mwakuri ma rabwata ni anga 180 te tan amwarake nakoia aomata ake a kainnanoia i Wyoming, Maryland, Michigan, Nebraska, South Carolina, Colorado, Massachusetss, ao North Carolina, USA.

  • Anga US $1 mirion nakon te Salvation Army ni buoka katauraoan te amwarake nakon 150 taabo n te United States.

  • Anga te amwarake nakoia 200 tabo n anga amwarake i New York, USA.

  • Anga 37,500 te bwauna te kunnikai ao 171,168 te bwauna te amwarake nako Honduras, mwakuri ma te tautaeka ao taan kairiiri ni kaawa n anga te buoka nakoia ake a maiu man te angibuaka.

  • Buoka mwanenakin burokuraem are e na katauraoa 30 mirion amwarake ibukiia reirei n ruaiwa reirei i Aberika.

  • Anga 200 rara n 14 mwakorn aaba n Aonon te Ekaretia ae Amerika Meang.

  • Anga e raka iaon US $200,000 ibukin bwaai ni kamanomano ibukiia taan mwakuri n te kuakua ao ubu nakoia ataei i Botswana. Tebwi ma teuana tabo n te Ekaretia a itui 8,000 ubu ni buoka te kainnano aei.

  • Anga US $20-mirion te buoka nakon te waaki ni tobwaa kainnanon te COVID-19 are waakina te United Nations International Children’s Emergency Fund (UNICEF), are e anga te iti n totoko nakoia 196 aaba.

  • Anga 790,400 te bwauna te amwarake; 17,000 keiti n ran, matureti, ao tabeua riki bwaai ake a kainnanoaki i Texas ao Oklahoma imwin te angibuaka ae korakora.