Unimwaane Alvin F. Meredith III

N ana kabanea n ririki Alvin F. Mereth n te kauarinan i Tennessee, USA, e rineaki bwa te tia tiambion n te takakaro ibukin te ririki anne iroun te kurubu are taan takakaro aika kiritian.

Tabeua te tai imwin anne, ana mataniwi e kaongoa bwa mataniwi n te aba a tia ni kanakoa arana ibukina bwa e aki kinaaki Ana Ekaretia Iesu Kristo ibukiia Aika Itiaki ni Boong Aika Kaitira bwa te aro ni Kiritian.

Ana mataniwi n te takakaro, “are bon te kiritian ae tamaroa,” e bubutia te rabwata aei bwa e na kanakoaki temanna nakon te reirei bwa e na kaitibo ma te ataeinimwaane aei. Ana tia tei te rabwata aei e kawara te kauarinan ao e kabwarabwarai 10 iango ake e taku bwa oin raoi aia babaire ngke e kanakoaki araia taan takakaro ake kaain Latter-day Saint. Imwin noran te Baibara n ana baeki te mwaane aei, E titiraki Unimwaane Meredith bwa a kona n tarai tabeua kiibu.

“Ti tarai taian bwi aika 10 aikai ao ti tarai I-Korote ao Iakobo ma ana boki te Kaotioti ao I-Korinto,” E taku Unimwaane Meredith. “E kataaki au onimaki, ma inanon te kataaki anne, e kakorakoraaki ao e aki mwaing man te tai anne.”

E bungiaki Alvin Frazier “Trip” Meredith III i Chattanooga, Tennessee, USA, n Turai 22, 1970, ana karo Alvin ao tinana Mary Meredith. E mare ma Jennifer Denise Edgin n 1998 n the Salt Lake Tembora. Iai natiia aika onoman.

E reke ana beeba Unimwaane Meredith n te psychology man te kuura n reirei ae Brigham Young inanon 1994 ao e kareka ana matita n te business administration man te kuura n reirei ae Chicago inanon 2001. E a tia ni mwakuri n GE Capital, Boston Consulting Group, ao Asurion.

Ngke e kairake, e beku Unimwaane Meredith n te Utah Salt Lake City Mition. Ngke e weteaki bwa te Mataniwi ni Kabuta n te Itingaun, e beku bwa te beretitenti n te Utah Salt Lake City Maiaki Mition. E a tia naba ni beku bwa te Itingaun n te Aono, beretitenti n te titeiki, kauntira n te beretitenti n te mition, te bitiobi, te tia reirei n te Reirei n Tabati.