Unimwaane Alfred Kyungu

Inanon 1991, Alfred Kyungu bon 24 ana ririki ao ataein te Kuura n Reirei ae Lubumbashi n te Democratic Republic of the Congo, ao e maeka ma ai tamana, Polydor Ngoy. N te bong teuana ao e tuangaki iroun ai taana bwa iai aia tai ae e kabaea ma mitinare man Ana Ekaretia Iesu Kristo Ibukiia Aika Itiaki ni Boong aika Kaitira.

“Tai katibanakoa aei,” e tuangaki iroun ai tamana aei.

Tabeua te tai imwina a kakaitibo ngaia ao ai tamana ma mitinare aika taanga mai Utah. N te moantai, e aki kan reitaki Alfred, ma te aro ae boou. Imwin onoua te namwakaina n reirei ao n reke kaekaan aia titiraki, ngaia are, Alfred ma ai tamana a babetitoaki n Tebetembwa 21, 1991.

N aanga tabeua, e bon aki bebete aron kainakin te Ekaretia. E mwaiti n aia kaawa ae aki kukurei n te Ekaretia aei ao a titiraki bwa bon Kiritian ke baikara Aomata aika Itiaki. E kakukurei bwa, kaain aia mwaanga ae uarereke a bon rang akoi ao a bubutimwaei raoi. Unimwaane Kyungu ao ai tamana a karekea te korakora man “karekean reirei ake e anga Iesu Kristo.”

E mare Unimwaane Kyungu ma Lucie Kabulo Malale i nanon 1998. A kabaeaki i Johannesburg South Africa Tembora inanon 2004. Iai uoman natiia aine ao temanna te mwaane.

E bungiaki Alfred Kyungu Kibamba i Kamina, Democratic Republic of the Congo, n Okitobwa 31, 1966, ana karo Domitien Kyungu Nkimba ao tinana Celestine Ngoy Mbuyu.

E reke ana tikuri ao ana matita tikuri Unimwaane Kyungu n te rabakau n reitaki ao te reitaki ma abatera man te Kuura n Reirei ae Lubumbashi. E taui nakoa tabeua n te tautaeka n te Democratic Republic of the Congo ao n te Ekaretia bwa te mataniwi n te tieminari ao te intitute ao bwa te mataniwi n mwakuri n te utu n te kakae riki.

Bon te Itingaun n Aono ngaia ngke e weteaki, e a tia naba ni beku bwa te tia reirei n te intitute, te tia reirei n Reirei n Tabati, te kauntira n te bitiobiriki, te kauntira ae rietaata, te kauntira n beretitentii n te titeiki, ao te beretitentii n te Democratic Republic of the Congo Mbuji-Mayi Mition man 2016 nakon 2019.