Susan H. Porter

Imwin maten kainnabana ae, Unimwaane Bruce D. Porter, te Itingaun ni Kabuta, n rotakin ian buroona i nanon Ritembwa 2016, Titita Susan Porter e kunea bwa ai ti ngaia ni mwengana i Bountiful, Utah, USA.

E kaan uoua te ririki imwain are e motirawa kainnabana, e ira te mwananga ao e beku irarikin kainnaba ngke e beku bwa te beretitenti n Aonon Eurobe Mainiku.

Ngaki e a mate kainnabana, e tataro ibukin kairana. N te bong teuana e nora tamnein te Tia Kamaiu are taetae nakon te aine ae te I-Tamaria n ana mwanibwa Iakobwa (tara Ioane 4:6–26). E namakina te Tamnei bwa e na “tekateka irarikin rangan te Tia Kamaiu ao n reirei, ao E na reireiko.”

E kabanea ana kona Titita Porter ni kaniia te Tia Kamaiu, ao te Tamnei ae Raoiroi e anganna te rau ao e kakorakora ni waaki nako.

“I ataia ae I buokaki,” e taku. “I karekea te korakora ao te rau ae aki roko mairou.”

Ngkai ataein te moanrinan a kaitara te kakaewenako, E tangiriia Titita Porter bwa a na ataia ae E tangiriia te Atua.

“Ngke tao e mena Iesu irarikiia, E na anaa temanna imwin temanna ao ni kakabwaiaa ao n tataro ibukiia, n aron are E karaoia nakoia natiia Nibwaite ngkoa [tara 3 Nibwaai 17:21]. Au kantaninga bwa ataei nako a tataro ibukin Ana buoka ao n butiia bwa a na nora baina n tangira i nanon maiuia.”

E bungiaki Susan Holland Porter n Turai 31, 1955, i Ponca City, Oklahoma, USA, ana karo Hans ma Charlene Holland. E reke ana beba ae te tikuri Titita Porter mai Brigham Young University n te chemistry. E a tia ni mwakuri n taabo ni kemikoro ao te tia reirei n te numera.

E mare ma Unimwaane Porter i nanon 1977 n te Washington D.C. Tembora. Iai aman natiia.

E tia ni beku Titita Porter n te taibora n ibuobuoki ibukin te Bootaki n Aine ni moa man 2017. Nakoana mai mwaina bon te kauntira n te beretitentii n te Bootaki n Aine n te titeiki, Beretitenti n te Bootaki n Aine ao te Bootaki n Ataeinnaine, Tia Reirei n Reirein te euangkerio, ao te tia kaira aia anene Ataei.