Maekatiin A Tobwai Kainnano aika Tabangaki

Teniua boki aika boou ake a na tabangaki boretiaia ni moa man Tianuare 2021, Ana maekatiin te Ekaretia a kaoti aia maroro taan kairiiri n te Ekaretia ake a “tau ao ni kainnanoaki,” aio ana taeka Unimwaane Quentin L. Cook man te Kooram Abotoro n te Tengaun ma Uoman. Maekatiin aika boou ibukiia ataei, kairake, ao ikawai “a kakanoa n te reirei ao te korakora n tamnei,” e taku. Kanoa a boutoka te karikiram ae Nakomai, Iriirai ao tabeua riki rongorongo aika kakaawaki.

“Ana maekatiin te Ekaretia bon boki ibukin reiakinan ana euangkerio Iesu Kristo ao namakinan ae ko kaaina ngkoe Ana Ekaretia,” aio ana taeka te Moan Beretitentii n ana reta ngke e kaotii maekatiin aika boou. “Ara kantaninga bwa a na bane membwa n taabo nako n anga araia ibukin kakarekean ao ni butimwaea te waaki aei ae e kateimatoa te onimaki i nanoia ao ni mweengaia.”

Te Riaona, ibukiia ikawai; Ibukin Kakorakoraia Kairake, ibukiia kairake; ao te Rao, ibukiia ataei, are a kona iai:

• Utu n aaba ae kaan mwaitina ma 150 ni kona ni kakarekei maekatiin aikai ibukiia ataei ao kairake.

• Taian Maekatiin a na tawe aron tauraoia n taabo ao n taetae tabeua.

• Membwa a karekea te rongorongo ae ti tetikina rinanon maekatiin aika tabangaki aikai.

• Rongorongo ni maekatiin aikai a na rikirake aron tauraoia n te kombiuta ao n te boreeti.

Taan kairiiri n te aono a kaungaki bwa a na angania aomata aika tibwa rairaki kakarokoran te maekatiin irouia are botau ma aia ririki ao n anga te Rao ke Ibukin Kakorakoraia Kairake ibukiia ataei ao kairake ake a roroko n taromauri ao a aki raonaki irouia aia karo.¹