Camille N. Johnson

E a tia Camille N. Johnson ni kabanea maiuna ni kamatebwai taeka, ni barongai raoi, ao ni kabonganai ni buokiia aomata n tokanikai iaon kanganga inanon te tai ae e raka iaon 30 te ririki ngke e riki bwa te rooia ngaia. Ao e aki toki ni karekae te rau man taeka ni koroboki aika a tabu. E taraia aomata ni koroboki aika a tabu bwa raoraona ni koaua.

E ngae n anne, ngke e mwaing ma kainnabana nako Aberika Maiaki ni kaira te Peru Arequipa Mition man 2016 nakon 2019, e tangiria ni karekei taeka. Ibukina bwa akea ongona n te taetae n Tibein, e tataro bwa e na kona ni reitaki ma ana mitinare ao aomata bwa aonga n namakin ana tangira ibukiia ao ana koaua n Ana Boki Moomon.

“I onimakina te Uea ao I katan iaon te Tamnei bwa e na ataaki au tangira ma koaua ngkana ngkai I kabi n taekini. Ai tamaroa ao tikira te reirei ae I karekea bwa N na ‘aki katan iaon [oin] au rabakau’ [Taeka n Rabakau 3:5] ma n na katan iroun te Tia Kamaiu.”

I nanon te waaki e reiakina te reirei ae bebete n te euangkerio: “Bon tangiran te Tia Kamaiu, kaotan te tangira n ai aron te Tia Kamaiu, ao ni karika Ana Mwakuri ni Kamaiu Iesu Kristo ni mwamwakuri inanon maiura.”

E kakabwaiaaki Titita Johnson ma te tangira ibukiia mitinare aika 552 ao ngkai e namakina i nanona rababan ana tangira nakoia teuana te mirion ataei ake e tararuaia.

“I kakatonga n au tai n reirei mairouia ataei ake a katerea ana tangira ae itiaki Iesu Kristo,” e taku.

E bungiaki Camille Neddo Johnson n Tebetembwa 12, 1963, ana karo Hal ma Dorothy Neddo i Pocatello, Idaho, USA. E mare ma Douglas R. Johnson n 1987 n te Salt Lake Tembora. Iai natiia aika teniman. E reke ana beba man te Kuura n Reirei i Utah iaon te Ingiriti n 1985 ao man te Kuura n Reirei ae Utah S. J. Quinney College ibukin te Tua inanon 1989.

E a tia ni beku bwa te beretitenti n botaki n ataeinaine n uoote, n te Beretitentii n te Botaki n Aine ao te Moanrinan, ao te tia reirei n te Gospel Doctrine.