Unimwaane Vaiangina Sikahema

Man te tai are Vaiangina (Vai) Sikahema e katika mataia taan rikoia taan takakaro i Arizona, USA, ngkai e rianako rabakauna n te takakaro ae te football, e toka te mata iaona.

E rianako ana takakaro i Brigham Young University, ao e takakaro n te Cougars’ 1984 te tiim ibukin te aba. E takakaro n kaboo aika mwaiti n te National Football League ao e kaburaaki arana uoua te tai n te Pro Bowl imwain are e mwaing nakon ana mwakuri ae boou bwa te tia kanakobwana.

Bwa tao “te tia takakaro n te football” ke “te tia kanakobwana” bon tiaki kanga te mwaane ae 58 ana ririki.

“I aki tara rabakau n takakaro ke au mwakuri ae te tia kanakobwana bwa kinaakiu,” e taku Unimwaane Sikahema, are e kamatoaki bwa te Itingau ni Kabuta n Eberi 3, 2021. “I ataia bwa ngai natin te Atua ao te Aomata ae Itiaki ni Boong aika Kaitira.”

Bon ngaia naba te kainnaba, te karo, ao te tia taua te nakoanibonga—aikai kinaakina ae akea tokiia.

E bungiaki n Aokati 29, 1962, i Nuku‘alofa, Tonga, ana karo Sione ao tinana Ruby Sikahema, e ikawai Unimwaane Sikahema n te utu ae moanibwaia te utu ma te onimaki. Ana bakatibu bon moan ngaia te koraki ake a moan kaaina te Ekaretia.

Ngke e tabe n rikirake i Mesa, Arizona, e katuka ana kataneiai n te itau ngke e noria bwa iai ana tarena n te takakaro ae te football. Ngke e butimwaea ana scholarship bwa e na tatakaro i BYU, e tuai baireia bwa e na nako ni mitinare.

“Ma I mena ibuakoia ataeinimwaane ake a matoatoa n te euangkerio, ao I tangiriki n riki n ai aroia,” e taku Unimwaane Sikahema.

Inanon 1982 e kitana ana takakaro bwa e na nako ni beku n te South Dakota Rapid City Mition. Ngke e oki nako BYU man ana mition, e kaitibo ma kaain Hawaii ae Keala Heder. A mare n te Mesa Arizona Tembora i nanon 1984. Iai aman natiia.

Imwain ae riki bwa te Mataniwii ni Kabuta, e beku Unimwaane Sikahema bwa te beretitenti n te Bootaki n Ataeinimwaane n te uoote, bitiobi, tarekita ibukin te public affairs, kauntira nakon te beretitenti n te mition, beretitenti n te titeiki, ao te Itingaun n te Aono.