Unimwaane Carlos G. Revillo Jr.

Ma ngke e uarereke, E tangiria Unimwaane Carlos G. Revillo Jr. bwa e na nako ni mitinare. Ma ngke e a roko n te reirei ae rietata, e motikia bwa e na taona ana mitinare teuana te ririki bwa e na kabanea moa ana beeba are nimaua ririkina ao n kabwaata ana bwii. E reke ibukoia niman ake a rianako aia bwi imwin te ukeuke ao e karekei tabeua mwakuri ake a roko man kabwana aika bubura.

“N te tai anne, E riai bwa na bon titirakinai ‘N na nako ni mitinare? I ataia bwa Iotebwa Timiti bon te burabeti ni koaua ao e koaua Ana Boki Moomon?’” E taku Unimwaane Revillo. “I riai n tataro ao n tarai baike I kakoauai.”

Imwina e ongo bwa e tataro man aki mamatam tinana ibukina. E taku Unimwaane Revillo bwa e ringaki nanona iroun te Tamnei.

“E bon rangi ni matoa aua koaua ngke I mwakuri ni mitinare,” e taekinna. “Ni kabane au kakabwaia ngkai a bon reke man au rinerine aei.”

E bungiaki Garcia Revillo Jr. n te kaawa ae General Santos, Biribin, n Nobembwa 8, 1965, tamana Carlos G. Revillo te ikawai ao tinana Amparo Revillo. E ikawai rake i General Santos, e mitinare n te Philippines Bacolod Mition, ao e mare ma Marites Enriquez Fernando Revillo n te Manila Biribin Tembora i nanon 1989. Iai aman natiia.

E reke ana tikuri Unimwaane Revillo n te chemical engineering man te Reirei ae Rietata ae Santo Tomas i Manila i nanon 1986. E a tia ni mwakuri i nanon 22 te ririki n nakoa ni kairiri n te kabwana ae Procter & Gamble i Biribin, aonon Atia-Te beteke, ao ni bon ana etekuata te kambwana i Amerika. E a tia ni mwakuri bwa te mataniwi n tararuan raoiroin, manon, ao karaoan babaire i Atia n te Kambwana ae Kellogg.

Unimwaane Revillow, are bon te manatia n ana rabwata te Ekaretia are tabe ma te toronibwai i Biribin ngke e weteaki, e a tia ni beku bwa te bitiobi, beretitenti n te titeiki, tia reirei n te tieminari, te kauntira ae rietata, ao te beretitenti n te Biribin Quezon City Mition man 2013 nakon 2016.