Waaki Nako Taian Tembora

N ana taeka ni kainiin n te maungatabu ni kabuta, Beretitenti Nelson e katanoatai babaire ibukin katean 20 tembora aika boou ni kabuta te aonaba (tara iteraniba 127). Te kabanea ni mwaiti n tembora ae katanoataaki n te tai ae ti teuana bon 12 tembora are e katanoataaki iroun Beretitenti Nelson n Okitobwa 7, 2018.

Beretitenti Gordon B. Hinckley e katanoatai babaire ni katei 32 tembora aika boou n te maungatabu ni kabuta n Eberi 1998 ma e aki taekin taabo.

N te tai are e riki iai bwa te Beretitenti n te Ekaretia n 2018, E a tia Beretitenti Nelson ni katanoatai katean 69 tembora. E katanoatai 19 tembora n te ririki anne, 16 i nanon 2019, ao 14 i nanon 2020. Iai 43 tembora ake a onobwaiaki ao ni kateaki, ao e ngae ngke iai te butinaoraki, a katabwenaaki taabo ibukin 21 tembora aika boou i nanon 2020. Iai ana tembora te Ekaretia aika 251 ake a katanoataaki, a kateaki, ke a uki.

N reita ana katanoata ibukin taian tembora, Beretitenti Nelson e kabwarabwarai aua mwaneka ibukin manga ukin tembora ngkai e a baonako te butinaoraki.