Amy A. Wright
Kauoman ni Kauntira n te Beretitentii ni Kabuta n te Moanrinan
Nimaua te ririki n nako, Titita Amy A. Wright e kuneaki bwa e kaentia ana riri ni man ao e roko n nambwa 4 korakorana. Te kawai ae a kona n taraia n aron ana bwainnaoraki aika kamaraki, e taku, bon man kabotoan aia taratara iaon te Tia Kamaiu Iesu Kristo.
“Ngkana I bon ti tabe ibukiu, e rikirake n rotongitong n au aonaaba,” e ururing. “Ma ngkana I taraia tabeman, ngke I kataia ni beku ibukiia tabeman ao n nakonako ni kawain Kristo, iai te oota ao te kimwareirei, ao inanon naba te maraki ao te rawaawata ae korakora.”
E kabwarabwara Titita Wright bwa ana buaka ma te kaentia e riki bwa “te waaki ae katamaroa ao ni katiaki”—te bwai “ae rangi n onoti” are e buokia n kinaa riki ana Tia Kamaiu n te aro ae onoti. E reireia naba ae e reke te korakora ae bati man ukoran te reirei ao te ongora nakon aia kakaewenako aomata.
“Ti beku ni mwakoron nako ana nne ni kureebe te Uea n taai aika kakaokoro i nanon nako maiura. Ma bon ti teuana te nne ni kureebe ao teuana naba te Mataniwi,” e taku.
“Ti teuana naba ara kantaninga, are bon te maiu ae akea tokina ao te karietataaki. Anne nanora ibukiia ataei aika a kakaawaki aikai, bwa e na riki te Tia Kamaiu bwa te tia raoniia ni mwanangaia, bwa a aonga n oki Nakoina.”
E bungiaki Amy Eileen Anderson Wright n Tianuare 6, 1972, i Salt Lake City, Utah, USA, ana karo Robert ao tinana Joy aoerson. E mare ma James McConkie Wright n 1994 n te Salt Lake Tembora. Iai natiia aika teniman.
E reke ana beba Titita Wright n te human development ao family studies man te Kuura n Reirei ae Utah n 1998. E a tia ni mwakuri bwa te tia reirei n te wareware ao te mataniwi n te aobiti ao e ibuobuoki n Aia Bootaki Taan Reirei. N aki maan n nako e ibuobuoki ibukin aron katanoataan kaboakinakon ao katiuataakean aia aobiti ibukin te wii.
E a tia ni beku Titita Wright iaon te baba n tararua ibukiia Kairaki n Ataeinnaine man 2018. Nakoana mai mwaina bon te beretitenti n te Moanrinan n te titeki ao te uoote, te kauntira n te beretitentii n te Moanrinan, te Tia Reirei n Taekan te Aro, ao te tia kairiri irouia tikauti n ataei.