Baika Kakaongora n te ka 191 n te Maungatabu ni Kabuta n te Ririki

A boboto maroro n te maungatabu ni kabuta aei, are e karaoaki n te wiikente n te Itita aei, bon iaon te Tia Kamaiu Iesu Kristo, membwa, ao aron nako te Ekaretia n mwakoron nako te aonaba.

Iteraniba 6: N ana maroro ni kaukuki, e taku Beretitenti Russell M. Nelson , “Ti bootaki bwa te utu ae ti teuana n tangiria n neboa ara Uea ao ara Tia Kamaiu, Iesu Kristo.” E katerea bwa “korakoran te Ekaretia e roko man aia kekeiaki ao aia koaua ae rikirake membwa.” N te maungatabu aei, aia mwakuri taan kairiiri n te Ekaretia ni kakorakoraia aomata n tatabemaniia e teretere raoi.
Iteraniba 79: N te tetere n te Nakoanibonga, E reirei Beretitenti Nelson aron karikan mwengara bwa e na tabu, “boton reiakinan ao maiuakinan te euangkerio,” imwin naba tokin te butinaoraki aei.
Iteraniba 101: N ana maroro n ingabongin te Tabati, E kateretrerea Beretitenti Nelson bwa aio bon te Ekaretia ae tabangaki ibukiia aomta nako: “N te ingabong aei, ti ongora irouia taan kairiiri n te Ekaretia ake a roko man mwakoron nakon te aonaba. Ni koauana, ana kakabwaia te euangkerio bon ibukiia ni kabane reeti, taetae, ao aomata. Ana Ekaretia Iesu Kristo bon te ekaretia ibukiia aomata nako . Iesu Kristo bon ana tia kairiri.”
Iteraniba 127: N reita, aia mwakuri n kakorakoraia membwa bon katanoataan 20 tembora aika a boou. “Ti tangiria ni uota ana auti te Uea ni kaania riki nakoia ara membwa,” e taku President Nelson n ana maroro ni kainiin. Aio te kabanea ni mwaiti n tembora are katanoataaki imwin 1998 ngke Beretitenti Gordon.B. Hinckley e katanoatai 32 tembora, are e kauka te mataroa ibukin karababaan nako taian tembora.
Iteraniba 139: Katoto riki ibukin aron te Ekaretia n ukora kakorakoraia natin te Atua ni kabane, nori kakongoran waaki ni karikirake aika taian buoka are a karaoaki i nanon 2020.