រួបរួមជាបងប្អូនប្រុសស្រីក្នុងព្រះគ្រីស្ទ

រូបភាព

បុរស និងស្រ្តីជួបជុំគ្នានៅក្នុងការប្រជុំក្រុមប្រឹក្សា

ទាំងមតិរបស់ស្រ្តី និងបុរសគឺមានសារៈសំខាន់ដើម្បីសម្រេចកិច្ចការរបស់ព្រះអម្ចាស់ ។ ទោះបីជាមានលក្ខណៈពិសេសពីគ្នាក៏ដោយ ក៏យើងបំពេញគ្នាទៅវិញទៅមក ដោយរួបរួមគ្នាក្នុងគោលបំណងរួមរបស់យើងដើម្បីធ្វើជាសិស្សរបស់ព្រះគ្រីស្ទដែរ ។

ភាពខុសគ្នារបស់យើងមិនចាំបាច់ត្រូវបង្អាក់គោលបំណងនេះឡើយ ។ ផ្ទុយទៅវិញ ភាពខុសគ្នារបស់យើងរួមមានទេពកោសល្យ និងការរួមចំណែករបស់យើង ដែលរួមគ្នាពង្រឹងឥទ្ធិពលរបស់យើងនៅក្នុងកិច្ចការនៃសេចក្ដីសង្គ្រោះ និងភាពតម្កើងឡើងទូទាំងពិភពលោក ។ អែលឌើរ ជែរីត ដ័បុលយូ ហ្គង ក្នុងកូរ៉ុមនៃពួកសាវកដប់ពីរនាក់សរសេរនៅក្នុងច្បាប់នេះថា « យើងធ្វើការសម្រេចចិត្តបានល្អប្រសើរ និងមានជោគជ័យកាន់តែខ្លាំងនៅក្នុងការបម្រើរបស់ព្រះអម្ចាស់ នៅពេលយើងឲ្យតម្លៃគ្នាលើការរួមចំណែករបស់គ្នាទៅវិញទៅមក និងធ្វើការជាមួយគ្នា ជាបងប្អូនប្រុសស្រីនៅក្នុងកិច្ចការរបស់ទ្រង់ » ( ទំព័រ ៤ ) ។ តើយើងសម្រេចបានការរួបរួមបែបនេះដោយរបៀបណា ? យើងត្រូវតែមានជំនឿថា ព្រះអម្ចាស់អាចធ្វើការជាមួយនឹងភាពខុសគ្នារបស់យើងដើម្បីសេចក្តីល្អនៅក្នុងនគររបស់ទ្រង់ ។

នៅក្នុងអត្ថបទរបស់ខ្ញុំនៅទំព័រ ទំព័រ ៨ ខ្ញុំចែកចាយអ្វីដែលខ្ញុំបានរៀនចេញពីដំណើររឿងព្រះគម្ពីរសញ្ញាថ្មីអំពីស្ត្រីសាសន៍កាណាន ដែលបានស្វែងរកព្រះអង្គសង្គ្រោះដើម្បីព្យាបាលកូនស្រីរបស់នាង ។ ស្រ្តីរូបនេះមិនមែនជាវង្សនៃអ៊ីស្រាអែលទេ ។ ប៉ុន្តែនាងមានជំនឿថា ព្រះចេស្ដារបស់ព្រះអម្ចាស់អាចព្យាបាលកូនរបស់នាងបាន ហើយជំនឿដ៏អស្ចារ្យនេះបានបង្រួបបង្រួមនាងជាមួយនឹងរាស្រ្តនៃសេចក្ដីសញ្ញា ហើយបាននាំមកនូវអព្ភូតហេតុ ។

សូមឲ្យយើងមើលទៅព្រះអង្គសង្រ្គោះនៅគ្រប់អ្វីៗដែលយើងធ្វើ ដោយ « មានចិត្តចងក្រងរួមគ្នាដោយសាមគ្គី ហើយស្រឡាញ់គ្នាទៅវិញទៅមក » ( ម៉ូសាយ ១៨:២១ ) ។ យើងមានអភ័យឯកសិទ្ធិដើម្បីរៀនពីភាពខុសគ្នាដ៏មានអានុភាពរបស់គ្នាទៅវិញទៅមក ហើយឲ្យតម្លៃវាដូចជាព្រះគ្រីស្ទដែរ ។ ឱ ខ្ញុំមានអំណរគុណណាស់ ដែលមានអ្នកគង្វាលម្នាក់ដែលឮសម្លេងពិសេសរបស់ចៀមមួយក្បាលៗរបស់ទ្រង់ ។

ដោយក្ដីស្មោះស្ម័គ្រ

ប្រធានខាំមៀល អិន ចនសុន

ប្រធានសមាគមសង្គ្រោះទូទៅ