« តើខ្ញុំធ្វើឲ្យជីវិតខ្ញុំសាមញ្ញដើម្បីផ្ដោតលើព្រះគ្រីស្ទដោយរបៀបណា ? » លីអាហូណា ខែ កញ្ញា ឆ្នាំ ២០២៣ ។
ចូរមកតាមខ្ញុំ
តើខ្ញុំធ្វើឲ្យជីវិតខ្ញុំសាមញ្ញដើម្បីផ្ដោតលើព្រះគ្រីស្ទដោយរបៀបណា ?
សាវកប៉ុលបង្រៀនយើងឲ្យផ្ដោតលើ « សេចក្តីទៀងត្រង់ខាងឯព្រះគ្រីស្ទ » បាន ( កូរិនថូស ទី២ ១១:៣ ) ។
តើអ្នកដែលធ្លាប់ឃើញខ្លួនឯងធ្វើឲ្យដំណឹងល្អនៃព្រះយេស៊ូវគ្រីស្ទលំបាកជាងនេះដែរឬទេ ? ពេលខ្លះយើងផ្ដោតខ្លាំងលើសំបកក្រៅ ឬរឿងតូចតាចដែលចាប់ផ្ដើមមានអារម្មណ៍ថាលើសលប់ ។
សូមសម្រួលវិធីសាស្រ្តរបស់អ្នក
អែលឌើរ ឌៀថើរ អេស្វ អុជដូហ្វ ក្នុងកូរ៉ុមនៃពួកសាវកដប់ពីរនាក់បានផ្ដល់យោបល់នេះថា ៖ « បើបងប្អូនធ្លាប់គិតថា ដំណឹងល្អពុំផ្ដល់ប្រយោជន៍អ្វីដល់បងប្អូនទេ ខ្ញុំសូមអញ្ជើញបងប្អូនឲ្យក្រឡេកមើលក្រោយវិញ ក្រឡេកមើលជីវិតបងប្អូនពីលើទីខ្ពស់ រួចធ្វើឲ្យដំណើរជីវិតមានភាពសាមញ្ញចំពោះភាពជាសិស្ស ។ សូមផ្ដោតអារម្មណ៍លើគោលលទ្ធិ គោលការណ៍សំខាន់ៗ និង ការអនុវត្តន៍នៃដំណឹងល្អ ។ ខ្ញុំសូមសន្យាថា ព្រះនឹងដឹកនាំ ហើយប្រទានពរបងប្អូននៅលើមាគ៌ាទៅកាន់ជីវិតដ៏ពេញលេញ ហើយដំណឹងល្អនឹងផ្ដល់ប្រយោជន៍កាន់តែច្រើនដល់បងប្អូនយ៉ាងពិតប្រាកដ » ( « It Works Wonderfully! » Liahona ខែ វិច្ឆិកា ឆ្នាំ ២០១៥ ទំព័រ ២២ ) ។
តើគោលលទ្ធិ គោលការណ៍ ឬការអនុវត្តនៃដំណឹងល្អជាមូលដ្ឋានមួយណាដែលអ្នកអាចផ្តោតលើនៅសប្តាហ៍នេះ ?