Haapotoraa Aamu

3 no eperera 1814

Fanauhia i Mantua, Ohio, i na metua o Rosetta Leonora Pettibone Snow e o Oliver Snow.

1832

Ua faaroo i te peropheta Iosepha Semita i te a‘oraa i Hiram, Ohio.

1835

Ua faaru‘e i te utuafare no te haere i te Haapiiraa Teitei no Oberlin i Oberlin, Ohio. Ua farerei ia Elder David W. Patten no te Pŭpŭ no te Tino Ahuru ma Piti Aposetolo i ni‘a i te e‘a.

1836

Ua faaru‘e i te Fare Haapiiraa Teitei no Oberlin e ua haere atu i Ketelani, Ohio, no te haapii mai i te reo Hebera. Ua farii i te evanelia tei faaho‘ihia mai e ua bapetizohia e ua haamauhia i te ava‘e Tiunu. Ua faatoro‘ahia i muri mai ei peresibutero. Ua farii i te hoê haamaitairaa patereareha no ô mai ia Iosepha Semita Metua ra i te ava‘e Titema.

1837

Ua poro i te evanelia i Ohio.

Atopa 1838 e tae atu i te ava‘e Me 1840

Ua tavini i te tahi atu misioni, ua poro i te evanelia i Ohio, Missouri, Kentucky, e Illinoi ua rave i te ohipa ei orometua haapii i te tau to‘eto‘e no te matahiti 1839–40.

Me 1840

Ua faaru‘e i Nauvoo, Illinois, no te tavini i te hoê misioni i te Fenua Peretane. I raro a‘e i te faatereraa a te Pŭpŭ no te Tino Ahuru ma Piti Aposetolo, ua peresideni i te Ekalesia i Lonedona, Fenua Peretane, e te mau vahi tapiri mai. Ua nene‘i i te hoê buka iti tei topahia te i‘oa Te E‘a Ana‘e e Faaorahia‘i.

12 no eperera 1843

Ua tae atu i Nauvoo, Illinois, e e 250 Feia Mo‘a i te mau Mahana Hopea nei no te Fenua Peretane tei faafariuhia mai.

I te hopea o te matahiti 1843 e i te omuaraa no te matahiti 1844

Ua haapii i te fare haapiiraa i Lima, Illinois.

1844

Ua hi‘opo‘a i te hoê hororaa politita i Ohio no te ma‘iti ia Iosepha Semita ei peresideni no te Fenua Marite. Ua ho‘i atu i Nauvoo i muri a‘e i to’na faarooraa i te taparahi-pohe-raa-hia o Iosepha e o Hairamu Semita, tei tupu i te 27 no tiunu.

Tenuare 1845

Ua ma‘itihia e te peresideni Brigham Young no te tere na Ohio e no te ohi i te mau ô no te paturaa i te Hiero no Nauvoo.

1845

Ua tomo i roto i te faaipoiporaa i te vahine rau, mai tei ravehia i roto i te Ekalesia, na roto i te faaipoiporaa ia Charlotte Squires e Mary Adaline Goddard.

Fepuare 1846

Ua faaru‘e i Nauvoo e te mau melo no te utuafare e te tahi atu Feia Mo‘a i te mau Mahana Hopea nei i muri a‘e i te fariiraa i te mau oro‘a e te mau taatiraa i roto i te Hiero no Nauvoo.

1846 e tae atu i te matahiti 1848

Ua ora e to’na utuafare i te hoê puhaparaa tei piihia Te Mou‘a Pisega i te tufaa fenua no Iowa. Ua peresideni i te puhaparaa no te hoê taime. I te tau tupuraa raau no te matahiti 1848, ua arata‘i i te hoê pŭpŭ no te Feia Mo‘a no te haere i te Oire no Roto Miti.

12 no fepuare 1849

Ua faatoro‘ahia ei Aposetolo i te Oire no Roto Miti.

1849

Ua haaputuputu i te mau ô no te Tufaa Moni Tamau no te Faahaeraa mai i te Taata.

1849 e tae atu i te matahiti 1852

Ua tavini i te hoê misioni i Italia. Ua tavini atoa i te Fenua Peretane, i reira to’na hi‘opo‘araa i te nene‘iraa o te Buka a Moromona na roto i te reo Italia e i Helevetia e i Malta. Ua nene‘i i te hoê buka iti tei topahia te i‘oa Te Reo o Iosepha.

1852

Ua ma‘itihia i te Apooraa Rahi no te Tufaa Fenua no Utah.

1853

Ua piihia e te peresideni Brigham Young ia peresideni i te hoê puhaparaa a te Feia Mo‘a i te mau Mahana Hopea nei i Box Elder County, i te tufaa Apato‘erau no Utah. Ua pii i te oire pû o Brigham City. Ua tavini e rave rahi mau matahiti ei taata faatere i roto i te Ekalesia e i rotopu i te huiraatira.

Mati 1864 e tae atu i te ava‘e Me 1864

Na muri atu i te hoê pŭpŭ arata‘ihia e Elder Ezra T. Benson no te Pŭpŭ no te Tino Ahuru ma Piti Aposetolo, ua tavini i te hoê misioni poto i te mau Taa Motu no Hawaii.

Atopa 1872 e tae atu i te ava‘e no tiurai 1873

Na muri i te hoê pŭpŭ arata‘ihia e te peresideni George A. Smith, Tauturu Matamua i roto i te Peresideniraa Matamua, ua tere e faati ia Europa e te mau Fenua i te Hitiaa o te Râ i Ropu, e tae noa’tu i te Fenua Mo‘a. Ua ravehia teie tere i te aniraa a te peresideni Brigham Young.

1882

Ua ma‘iti te Apooraa Rahi no te Fenua Marite i te Parau Haamanaraa Edmunds, o te faariro i te faaipoiporaa i te vahine rau ei hara e o te faa‘ere i te mau taata e vahine rau ia ma‘iti, ia mau i te toro‘a ma‘iti aore râ te riroraa ei taata imi-roa-hia i te fare haavâraa.

Atete 1885 e tae atu i te ava‘e Atopa 1885

Ua tavini i te mau misioni i rotopu i te mau Inidia Marite i te tufaa ‘apato‘erau too‘a o te râ no te Fenua Marite e i te tufaa fenua no Wyoming.

12 no mati 1886 e tae atu i te 8 no Febuare 1887

Ua tape‘ahia i te fare auri no te faaohiparaa i te faaipoiporaa i te vahine rau.

1887

Ua ma‘iti te Apooraa Rahi no te Fenua Marite i te Parau Haamanaraa Edmunds-Tucker, te tahi ture pato‘i i te vahine rau, ma te faati‘araa i te faatereraa hau ia harû i te rahiraa o te mau fenua a te Ekalesia. Ua riro teie parau haamanaraa ei ture i te 3 no me 1887.

21–23 no me 1888

Ua tai‘o i te pure haamo‘araa i te mau oro‘a no te haamo‘araa i te Hiero no Manti Utah. Ua haamo‘a te peresideni Wilford Woodruff i te hiero i te 17 no me.

7 no eperera 1889

Ua paturuhia ei Peresideni no te Pŭpŭ no te Tino Ahuru Ma Piti Aposetolo.

19 no me 1893 e tae atu i te ava‘e Tetepa 1898

Ua tavini ei peresideni matamua no te Hiero no Roto Miti.

2 no tetepa 1898

Ua riro ei aposetolo tei tavini maoro roa a‘e e ei peresideni faatere no te Ekalesia i te poheraa o te peresideni Wilford Woodruff. Ua farii i te hoê orama hanahana i roto i te Hiero no Roto Miti, i roto i te reira ua faaue te Fatu ia’na ia rave i te faaapîraa i te Peresideniraa Matamua.

13 no tetepa 1898

Ua paturuhia e te Pŭpŭ no te Tino Ahuru ma Piti Aposetolo ei Peresideni no te Ekalesia. Ua haamata i te tavini ei Peresideni.

9 no atopa 1898

Ua paturuhia ei Peresideni no te Ekalesia i roto i te amuiraa rahi.

10 no atopa 1898

Ua faataahia ei Peresideni no te Ekalesia a Iesu Mesia i te Feia Mo‘a i te Mau Mahana Hopea Nei.

Me 1899

Ua tere atu i St. George, Utah, i reira to’na fariiraa i te hoê heheuraa ia poro i te ture no te tuhaa ahuru i te Feia Mo‘a. Ua haamata i te faaite i teie parau poro‘i i St. George e ua arata‘i i te hoê tautooraa no te faaite i te reira i te taatoaraa o te Ekalesia.

1 no tenuare 1901

Ua pia i te hoê parau tei topahia « Aroharaa i to te Ao » no te farii poupou i te 20raa o te tenetere.

10 no atopa 1901

Ua pohe i te Oire no Roto Miti, Utah, i te faito matahiti 87.