Giftast

Lögmætur sáttmáli eða samningur milli karls og konu er tengir þau saman sem hjón. Guð vígði hjónabandið (K&S 49:15).

Nýr og ævarandi hjónabandssáttmáli

Gifting framkvæmd undir lögmáli fagnaðarerindisins og prestdæmisins er fyrir jarðneskt líf og fyrir eilífðina. Verðugir karlar og konur þannig innsigluð í musterishjónabandi geta haldið áfram sem hjón í eilífðinni.

Til þess að ná æðsta stigi himneska ríkisins verður maðurinn að gjöra hinn nýja og ævarandi hjónabandssáttmála, K&S 131:1–4.
Ef maðurinn kvænist hvorki af mér né eftir mínu orði er sáttmáli þeirra og hjónaband ekki bindandi, þegar þau eru látin, K&S 132:15.
Kvænist maður eftir mínu orði og eftir hinum nýja og ævarandi sáttmála og hann er innsiglaður þeim með heilögum anda fyrirheitsins, skal það í fullu gildi, þegar þau eru farin úr heiminum, K&S 132:19.

Trúblendihjónaband

Hjónaband karls og konu með mismunandi trú og trúarsiði.

Þú skalt ekki taka syni mínum til handa konu af dætrum Kanaaníta, 1 Mós 24:3.
Ef Jakob tæki sér konu meðal Hets dætra, hví skyldi ég þá lengur lifa, 1 Mós 27:46 (1 Mós 28:1–2).
Ísrael skal ekki mægjast Kanaanítum, 5 Mós 7:3–4.
Ísrael tengdist Kanaanítum með giftingum, dýrkaði falsguði og hlaut bölvun fyrir, Dóm 3:1–8.
Eiginkonur Salómons sneru hjarta hans að falsguðadýrkun, 1 Kon 11:1–6.
Að vér skyldum ekki gifta dætur vorar hinum heiðnu íbúum landsins, né heldur taka dætur þeirra sonum vorum til handa, Nehem 10:30.

Fjölkvæni

Hjónaband manns og tveggja eða fleiri lifandi eiginkvenna. Lögmætt er manni að eiga aðeins eina konu, nema Drottinn bjóði annað með opinberun (Jakob 2:27–30). Fyrir opinberun átti fjölkvæni sér stað á tíma Gamla testamentis og við upphaf hinnar endurreistu kirkju eftir fyrirmælum spámannsins sem hafði lykla prestdæmisins (K&S 132:34–40, 45). Það viðgengst ekki lengur í kirkjunni (OY 1); á okkar dögum er fjölkvæni ósamrýmanlegt aðild að Kirkju Jesú Krists hinna Síðari daga heilögu.