Seksen 119
Revelesen we Lod i givim tru long Profet Josef Smit, long Fa Wes, Misuri, long 8 Julae 1838, blong ansa long prea ia blong hem: “!O Lod! Soem long ol wokman blong Yu hamas nao Yu wantem aot long ol propeti blong ol pipol blong Yu blong oli givim olsem wan taeting.” Loa blong taeting, olsem we yumi andastanem tedei, Lod i no bin givim long Jos bifo long revelesen ia. Toktok ia, taeting, insaed long prea we oli jes tokbaot mo long ol revelesen bifo (64:23; 85:3; 97:11) i no minim wan aot long ten nomo, be evri ofring, kontribusen, we oli givim wetem tingting blong hem i go long Jos. Lod i bin givim bifo, i go long Jos, loa blong konsekresen mo fasin blong lukaot long ol propeti, we ol memba (speseli ol elda we oli lidim Jos) oli mekem folem wan kavenan we i sapos blong stap we i no gat en long hem. From se plante oli no bin mekem folem kavenan ia, Lod i bin karemaot loa ia blong smol taem, mo i givim loa blong taeting i go long ful Jos. Profet i bin askem Lod hamas long ol propeti blong olgeta, Hem i wantem olgeta oli givim blong mekem ol tabu wok. Ansa ia, i revelesen ia.
1–5, Olgeta Sent oli mas pem ol propeti blong olgeta we i ova mo afta, givim, olsem wan taeting, wan aot long ten blong wanem oli winim long wan yia; 6–7, Rod ia bae i mekem graon blong Saeon i kam tabu.
1 I tru, olsem ia nao Lod i talem, mi wantem evri propeti blong olgeta we oli aova, blong oli givim i go long han blong bisop blong jos blong mi long Saeon,
2 Blong oli bildim ahaos blong mi, mo blong oli putum fandesen blong Saeon mo blong prishud, mo blong oli pem ol kaon blong Presidensi blong Jos blong mi.
3 Mo hemia bae i stat blong ol pipol blong mi oli pem ataeting.
4 Mo afta long hemia, olgeta we Lod i bin givim loa blong taeting long olgeta, oli mas pem wan aot long ten long evri samting we oli winim long wan yia; mo hemia bae i wan loa we bae i stap blong oli folem blong oltaem, blong gud blong tabu prishud blong mi, Lod i talem.
5 I tru, mi talem long yufala, bambae i hapen se evriwan long olgeta we oli kam wanples long graon blong aSaeon bae oli mas pem taeting long wanem i ova blong propeti blong olgeta, mo bambae oli mas folem loa ia, sapos no, bae mi no faenem olgeta oli klin inaf blong stap long medel blong yufala.
6 Mo mi talem long yufala; sapos pipol blong mi oli no folem loa ia, blong kipim loa ia i tabu, mo tru long loa ia oli no mekem graon blong aSaeon i kam tabu long mi, blong mekem se oli kipim ol loa blong mi mo ol jajmen blong mi long graon ia, blong hem i kam graon we i tabu moa, luk, i tru, mi talem long yufala, bambae graon ia i no wan graon blong Saeon long yufala.
7 Mo hemia bae i wan eksampol blong folem long evri astek blong Saeon. I olsem. Amen.