Seksen 2
Wan pat we oli tekemaot long histri blong Josef Smit long saed blong ol toktok we enjel Moronae i talem long Profet Josef Smit, taem we Josef i bin stap long haos blong papa blong hem long Manjesta, Niu Yok, long naet blong 21 Septemba 1823. Moronae i bin las man blong wan longfala laen blong ol man blong raetem histri, we i bin mekem rekod we i stap naoia long fored blong wol, we oli save long hem olsem Buk blong Momon. (Komperem Malakae 4:5–6; mo tu, ol seksen 27:9; 110:13–16; mo 128:18.)
1, Elaeja bae i soemaot prishud; 2–3, Lod i planem ol promes long ol papa insaed long hat blong ol pikinini.
1 Luk, bae mi soemaot Prishud long yu, tru long han blong profet ia, aElaeja, bifo long bbigfala dei blong Lod we man bae i fraet long hem.
2 Mo bae ahem i planem insaed long hat blong ol pikinini, ol bpromes we Lod i bin mekem long ol papa, mo hat blong ol pikinini bae i tanem i go long ol papa blong olgeta.
3 Sapos i no hapen olsem, bae Lod i spolem gud ful wol ia long taem we bae hem i kam.