Seksen 70
Revelesen we Lod i givim tru long Profet Josef Smit, long Haeram, Ohaeo, long namba 12 Novemba 1831. Histri we Profet i bin raetem i talem se i bin gat fo spesel konfrens we oli holem bitwin namba 1 mo namba 12 Novemba. Long laswan long ol miting ia, ol revelesen we oli moa impoten bitim ol narawan, oli pablisim olsem Book of Commandments (Buk blong Olgeta Komanmen), we afta oli singaotem Doktrin mo Ol Kavenan. Revelesen ia, Lod i givim afta we konfrens i bin vot se, ol revelesen ia, “Jos i tekem se praes blong olgeta i moa bigwan bitim ol rij samting blong ful Wol ia.” Histri blong Josef Smit i tokbaot ol revelesen ia olsem “fandesen blong Jos long ol las dei ia, mo wan gud samting we i go long wol, we i soem se ol ki blong ol sikret blong kingdom blong Sevya blong yumi oli stap bakegen long han blong man.”
1–5, Lod i jusum olgeta man we oli gat wok ia blong printim ol revelesen; 6–13, Olgeta we oli wok long saed blong ol samting blong spirit oli mas kasem pei blong olgeta; 14–18, Olgeta Sent oli mas semmak long saed blong ol samting blong laef ia.
1 Luk, mo lisin gud, O yufala ol pipol we yufala i stap long Saeon, mo yufala evriwan ol pipol blong jos blong mi we yufala i stap longwe, mo harem toktok blong Lod we mi givim long wokman blong mi, Josef Smit Junia, mo long wokman blong mi, Martin Haris, mo tu, long wokman blong mi Oliva Kaodri, mo tu, long wokman blong mi, Jon Witma, mo tu, long wokman blong mi Sidni Rigdon, mo tu, long wokman blong mi Wiliam W. Felps, olsem wan komanmen long olgeta.
2 From mi givim wan komanmen long olgeta; taswe, lisin gud mo harem, from olsem ia nao Lod i talem long olgeta—
3 Mi, Lod, mi bin jusum olgeta, mo odenem olgeta blong oli ol man blong awok blong lukaotem gud ol revelesen mo ol komanmen we mi bin givim long olgeta, mo hemia we bambae mi givim long olgeta afta;
4 Mo bambae mi askem wan ripot blong wok blong olgeta long dei blong jajmen.
5 Taswe, mi bin jusum olgeta blong mekem wok ia, mo hemia nao wok blong olgeta insaed long jos ia blong God, blong oli lukaotem olgeta mo eni samting abaot olgeta, yes, eni gud samting we i kamaot long olgeta.
6 Taswe, wan komanmen mi givim long olgeta, se bambae oli no givim olgeta samting ia long jos, o long wol;
7 Be, folem hamas oli kasem we i moa bitim wanem we oli nidim long saed blong ol samting we oli nidim o oli wantem, bambae oli mas givim i go long astoahaos blong mi;
8 Mo ol mane ia, bambae oli mas givim i go long ol pipol we oli stap long Saeon, mo long ol jeneresen blong olgeta, folem hamas oli kam blong kasem araet long ol samting ia folem ol loa blong kingdom.
9 Luk, hemia nao wanem we Lod i askem long evri man long saed blong ol asamting we hem i mas lukaotem, olsem we mi, Lod, mi bin putum o bambae mi putum long eni man.
10 Mo luk, i no gat wan i save ronwe long loa ia, we i blong jos ia blong God we i laef;
11 Yes, i no bisop, i no aripresentativ we i lukaotem stoahaos blong Lod, i no hem we i gat wok blong lukaotem ol samting long saed blong laef ia.
12 Hem we oli putum hem blong lukaotem ol samting long saed blong spirit, hem ia, hem i ainaf blong mas kasem pei blong hem, mo semmak tu long olgeta we Lod i bin jusum blong gat wok blong lukaotem ol samting long saed blong laef ia;
13 Yes, oli gat fulap moa, mo wanem we oli gat we i fulap, bambae oli kasem i fulap moa bakegen tru long ol samting we Spirit i soemaot long olgeta.
14 Be, long saed blong ol samting blong laef ia, bambae yufala i mas asemmak, mo hemia i no mas hapen wetem tingting blong no wantem, sapos no, plante long ol samting we Spirit i soemaot, bambae Lod i holembak.
15 Naoia, akomanmen ia mi givim long ol wokman blong mi blong gud blong olgeta taem oli stap laef yet, blong mi soemaot ol blesing blong mi long hed blong olgeta, mo olsem wan praes blong bfasin blong olgeta blong wok strong wetem strong tingting mo blong sekiuriti blong olgeta;
16 Blong oli gat kaekae mo blong oli gat aklos; blong oli gat wan ples; blong oli gat ol haos mo blong oli gat ol graon, long wanem ples long laef we mi, Lod, bambae mi putum olgeta long hem, mo long weaples we mi, Lod, bambae mi sendem olgeta long hem.
17 From we oli bin fetful long saed blong aplante samting, mo oli bin mekem gud folem hamas we oli no bin sin.
18 Luk, mi, Lod, mi gat asore mo bambae mi blesem olgeta, mo bambae oli kasem glad from olgeta samting ia. I olsem. Amen.