Seksen 91
Revelesen we Lod i givim tru long Profet Josef Smit, long Ketlan, Ohaeo, long 9 Maj 1833. Long taem ia, profet i bin stap mekem wok blong transletem OlTesteman. Taem hem i kam kasem pat blong ol toktok we oli raetem bifo, we oli singaotem Apokrifa, hem i bin askem Lod mo i bin kasem instraksen ia.
1–3, Apokrifa (ol tok haed) oli bin transletem i gud be i gat sam toktok we han blong man i ademap, we oli no tru; 4–6, Apokrifa ia i givim gud samting long olgeta we Spirit i givim moa laet long olgeta.
1 I tru, olsem ia nao Lod i talem long yufala long saed blong aApokrifa—I gat plante samting insaed we oli tru, mo kolosap oli transletem evriwan i stret;
2 I gat plante samting we oli stap insaed we oli no tru, we han blong man i bin ademap ol toktok ia.
3 I tru, mi talem long yufala, se i no gat nid blong transletem Apokrifa ia.
4 From hemia, huia we i ridim, hem i mas aandastanem, from we Spirit i soemaot trutok;
5 Mo huia we aSpirit i givim moa laet long hem bae i kasem gud samting aot long Apokrifa ia;
6 Mo huia we i no kasem Spirit, bae i no kasem gud samting aot long hem. From hemia, hem i no nid blong Josef Smit i transletem. Amen.